მთავარი » კულტურა

„ძველი საქართველოს მონუმენტური მხატვრობა და მისი მოამაგენი”

სტატიის ავტორი: | თარიღი: 24.12.2013 | 4,026 ნახვა

2013 წლის 24 დეკემბერს საქართველოს ეროვნული მუზეუმი ექვთიმე თაყაიშვილის დაბადებიდან 150 წლისთავისადმი მიძღვნილი კვირეულის ფარგლებში შალვა ამირანაშვილის სახელობის ხელოვნების მუზეუმში ძველი საქართველოს მონუმენტური მხატვრობა და მისი მოამაგენი - პოსტერი წარმოგიდგენთ გამოფენას “ძველი საქართველოს მონუმენტური მხატვრობა და მისი მოამაგენი”.

გამოფენაზე დამთვალიერებელს საშუალევა ეძლევა იხილოს სხადასხვა წლებში მრავალი ცნობილი მხატვრისა და მკველვრის მიერ დაღუვპას გადარჩენილი მონუმენტური მხატვრობის ნიმუშები: X-XVII სს. ფრესკების დედნები და ასლები, V-VI სს. ბიჭვინთის მოზაიკა, მონუმენტური მხავრობის ფრაგმენტების შემცირებული ასლები და სხვა.

შუა საუკუნეების ქართული მონუმენტური მხატვრობის შესწავლისა და გადარჩენის ასწლოვან ისტორიას საფუძველი ექვთიმე თაყაიშვილმა ჩაუყარა. მისი თაოსნობით XX საუკუნის დასაწყისიდა ნშეიქმნა ქართული ფრესკის ასლების პირველი კოლექცია, რომელსაც წლების განმავლობაში ასრულებდნენ მხატვრები ა.ეისნერი, ქ.კრონი, ჰ.ჰრინევსკი, თ.კიუნე, გ.ხმალაძე, ს.პოლტორაცკი, ა.გარიბჯანიანი და მათ შორის, ახალგაზრდა დავით კაკაბაძე. 1916 წლიდან ამ წამოწყებას შეუერთდნენ ლადო გუდიაშვილი, მოსე და ირაკლი თოიძეები, გიორგი ერისთავი, მიხეილ ჭიაურელი, შალვა ქიქოძე და დიმიტრი შევარდნაძე.

გასული საუკუნის 20-იანი წლების ბოლოს მონუმენტური მხატვრობის ასლებზე მუშაობდნენ ქეთევან მაღალაშვილი, ვალერიან სიდამონ-ერისთავი, სევერიან მაისაშვილი, შალვა აბრამიშვილი და პეტერბურგიდან მოწვეული მხატვარი-კოპიისტები ბორის შევიაკოვი, ტატიანა შევიაკოვა, ნატალია ტოლმაჩევსკაია, რომლებიც ასლი-ფაქსიმილეს შექმნის რთულსა და შრომატევად ტექნოლოგიას იყენებდნენ.

საქართველოს ეროვნულ მუზეუმს მოზაიკური მხატვრობისა თუ ფრესკების დედნების გადარჩენის ტრადიციაც უკავშირდება. რაც 30-იანი წლებში დიმიტრი შევარდნაძის თაოსნობით დაიწყო.

საქართველოს ეროვნულ მუზეუმში დაცული ქართული ფრესკის უნიკალური კოლექცია ბევრ ისეთ ნიმუშს ინახავს, რომელთაც ორიგინალის დაღუპვის, ძლიერი ცვლილების ან ოკუპირებულ ტერიტორიებზე მიუწვდომლობის გამო, დედნების მნიშვნელობა მიენიჭა. გამოფენაზე წარმოდგენილი ექსპონატები სრულად გადმოსცემს შუა საუკუნეების მდიდარი ქართული კულტურის, მხატვრულ სტილთა და სკოლათა მრავალფეროვანსა და მომხიბვლელ სურათს.

გამოფენა ხელოვნების მუზეუმში 2014 წლის 24 მარტამდე გასტანს.

მისამართი: შ. ამირანაშვილის სახელობს ხელოვენბსი მუზეუმი, გ. გუდიაშვილის ქ,1.


სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

კომენტარი არ არის »

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი