მთავარი » კულტურა

წიგნის საერთაშორისო დღე

სტატიის ავტორი: | თარიღი: 23.04.2016 | 3,740 ნახვა

23 აპრილი წიგნის საერთაშორისო დღეა.

წიგნის საერთაშორისო დღეს საფუძველი ჯერ კიდევ 1923 წელს კატალონიაში ჩაეყარა. მიგელ დე სერვანტესის გარდაცვალების დღეს, 23 აპრილს მამაკაცები ქალებს ვარდებს ჩუქნიდნენ, ხოლო მათგან სამაგიეროდ წიგნებს იღებდნენ. ეს იყო ქალების მხრიდან თითქოს შეხსენება, რომ წიგნს ვერაფერი შეცვლის. ქალები მხოლოდ მათ რჩეულ მამაკაცებს ჩუქნიდნენ წიგნებს. წიგნი იმ დროში დიდ ფუფუნებას წარმოადგენდა, ამიტომ ამის საშუალება მხოლოდ დიდგვაროვანი წრეების წარმომადგენლებს ჰქონდათ.

წიგნი

ეს გახდა დღე, როცა ქუჩებს ძველი თუ ახალი წიგნები ფარავდა და კიდევ ერთხელ იწყებდნენ საჯაროდ იმის საუბარს თუ რაოდენ აუცილებელია წიგნი ადამიანის განვითარებისთვის. ამ ყველაფერმა მოიტანა ის რომ 1995 წელს იუნესკომ 23 აპრილი ოფიციალურად გამოაცხადა წიგნისა და საავტორო უფლებების მსოფლიო დღედ და მისი აღნიშვნდა დაიწყო 1996 წლიდან. პირველ რიგში, იუნესკომ ამით მოუწოდა ახალგაზრდებს ეკითხათ რაც შეიძლება მეტი.

მძიმე 90-იანი წლების შემდეგ საქართველოში ამ დღის შემოღებას დიდი მნიშვნელობა ჰქონდა, ჩვენი ქვეყანა 2003 წელს შეუერთდა იმ 80 ქვეყანას, რომელიც აღნიშნავს წიგნის საერთაშორისო დღეს და ამ წლიდან მოყოლებული იმართება წიგნების გამოფენა-გაყიდვა, სადაც მკითხველს სთავაზობენ ფასდაკლებებს, ასევე ეწყობა ახალი წიგნების პრეზენტაცია, შეხვედრები ავტორებთან…მიზანი კი ის არის რომ ხელი შეეწყოს ახალი, განათლებული თაობის აღზრდას და კიდევ ერთხელ გაესვას ხაზი წიგნის მნიშვნელობას.

წელს წიგნის საერთაშორისო დღესთან დაკავშირებით 21-24 აპრილს ფილარმონიაში გაიმართება ფესტივალი „წიგნი და მუსიკა 2016“, სადაც წარმოდგენილი იქნება უამრავი წიგნები და ფასდაკლებები, ასევე გაიმართება ქართველი შემსრულებლების კონცერტი. წიგნებისა და ყვავილების ფესტივალი დაგეგმილია ასევე ისთ ფოინთსა და გლდანი მოლში.

ამ დღეს საქართველოს წიგნის გამომცემელთა და გამავრცელებელთა ასოციაცია, ორგანიზაცია „მზიანთან“ ერთად „ახალ მზიურში“ აღნიშნავს და ეს იქნება პირველი პროექტი რომელიც გაიმართება „ახალ მზიურში“. მთელი დღის განმავლობაში მზიურის ამფითეატრში დაგეგმილია შეხვედრები თანამედროვე ქართველ მწერლებთან და სხვა მრავალი ღონისძიება.

მოამზადა მეგი კაკაბაძემ

როგორ აღინიშნა წიგნის საერთაშორისო დღე ბარსელონაში 2015 წელს:


სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი