კახეთში, ყვარლის მიმდებარე ტერიტორიაზე არქეოლოგებმა ნაქალაქარსა და სამონასტრო კომპლექსს მიაგნეს.
სპეციალისტების თქმით, მდინარე დურუჯის საწინააღმდეგო მხარეს ტყეში მოქცეული ნანგრევები მე-5 საუკუნემდე პერიოდს მიეკუთვნება და თავისი მასშტაბით ბოლნისის სიონსაც აღემატება.
ტაძარი ხუთი წყვილი სვეტით არის გაყოფილი, მისი ბაზილიკა კი სამნავიანია. საკურთხეველში ქვა-ყუთის ტიპის სამარხებია აღმოჩენილი, რომელიც არქეოლოგების ვარაუდით სასულიერო პირებს ეკუთვნის. გათხრებში მონაწილეთა შეფასებით, საქართველოს შუა საუკუნეების არქეოლოგიაში ეს ერთ-ერთი ყველაზე მნიშვნელოვანი აღმოჩენაა, რაც კი ამ დრომდე ჩატარებულა.
გათხრებს, კულტურული მემკვიდრეობის ეროვნული სააგენტოს მხარდაჭერით, ილიას სახელმწიფო უნივერსიტეტი და საქართველოს ეროვნული მუზეუმი ახორციელებენ.
