13 ივლისი 2024, შაბათი
მთავარიჯანმრთელობარა არის თბური ტალღა და რატომ არის მაღალი ტემპერატურა საშიში?

რა არის თბური ტალღა და რატომ არის მაღალი ტემპერატურა საშიში?

თბური ტალღა – ეს არის უჩვეულოდ მაღალი ტემპერატურის შენარჩუნება, რამდენიმე დღისა და ღამის მანძილზე. თბური ტალღის განსაზღვრება იცვლება ქვეყნების მიხედვით და დამოკიდებულია ტემპერატურის მაქსიმუმზე, ტენიანობაზე და სხვა ატმოსფერულ ფაქტორებზე; ასევე, თავად ექსტრემალურად ცხელი დღეების ხანგრძლივობაზე.
განსაკუთრებით მაღალი ტემპერატურა, რომელიც რამდენიმე დღე გასტანს, პირდაპირ გავლენას ახდენს ადამიანის ჯანმრთელობაზე – იწვევს როგორც გარკვეული დაავადებების განვითარებას, ასევე უკვე არსებულის გამწვავებას და, შესაძლოა, სიკვდილის მიზეზიც კი გახდეს.

მაღალი ტემპერატურით გამოწვეული მთავარი რისკებია:

  • დეჰიდრატაცია (გაუწყლოვნება, ორგანიზმში წლის დეფიციტი)
  • გადახურება, რომელმაც შესაძლოა გააუარესოს გულის დაავადებებისა და სუნთქვასთან დაკავშირებული პრობლემების მქონე პირთა ჯანმრთელობის მდგომარეობა;
  • სითბური გამოფიტვა;
  • სითბური დაკვრა.

    მაღალი ტემპერატურის პირობებში მწვავდება ქრონიკული დაავადებები, უპირატესად გულ-სისხლძარღვთა და სასუნთქი სისტემის დაავადებები.

    ვინ იმყოფება ყველაზე მეტად რისკის ქვეშ?

    -ხანდაზმული პირები – ასაკის მატება აქვეითებს სიცხისადმი ტოლერანტობას; წყურვილის შეგრძნება შენელებულია; ამ ასაკში ხშირად აღენიშნებათ ქრონიკული დაავადებები.

    -ახალშობილები და -5 წლამდე ბავშვები – მეტად მგრძნობიარენი არიან მაღალი ტემპერატურისადმი. მათი ორგანიზმის თერმული რეგულაცია, ასევე, სითხის მიღება, უმეტესად მომვლელ პირებზეა დამოკიდებული.

    -ქრონიკული დაავადებების მქონე პირები – განსაკუთრებით ისინი, ვისაც აქვს გულ-სისხლძარღვთა, ენდოკრინული, სასუნთქი და ნერვული სისტემის, ფსიქიკური, ღვიძლისა და თირკმელების ქრონიკული დაავადებები, არაკონტროლირებული ჰიპერტენზია.

    -პირები, რომლებიც იღებენ გარკვეულ მედიკამენტებს – ზოგიერთი მედიკამენტი, როგორიცაა შარდმდენი, ანთების საწინააღმდეგო საშუალებები, ზოგიერთი ანტიბიოტიკი (სულფამიდები) და სხვ. აძლიერებს დეჰიდრატაციას და სითბოს გაცემას.

    -ჭარბი წონის მქონე პირები – განსაკუთრებულად მგრძნობიარენი არიან მაღალი ტემპერატურისადმი, რადგან მათ ორგანიზმში ძლიერად ხდება სითბოს შეკავება.

    -გარკვეული პროფესიის მქონე ადამიანები – ვისაც შენობის გარეთ უხდება მუშაობა, ან მათ, ვისაც მუშაობის დროს სითხის დიდი მოცულობით დაკარგვა უწევს.

წყარო:

დაავადებათა კონტროლისა და საზოგადოებრივი ჯანმრთელობის ეროვნული ცენტრი

მსგავსი სტატიები

LEAVE A REPLY

Please enter your comment!
Please enter your name here

კატეგორიები

ახალი კომენტარები