
22 მეტრი სიმაღლის ნაძვის ხე, რომელიც რუსთაველის გამზირზე, პარლამენტის შენობის წინ დაიდგა, წითელი და ოქროსფერი ბურთებით, ბაფთებითა და ილუმინაციებით არის მორთული. წელს, მთავარი ნაძვის ხე განსხვავებული დიზაინით განათდა, ტრადიციულ დეკორაციას მანათობელი ბურთები და ციმციმები დაემატა.

თბილისის მთავარი ნაძვის ხე რუსთაველის გამზირზე, 17 დეკემბერს, პარლამენტის შენობის წინ საზეიმოდ აინთო. ღონისძიებას თბილისის მერი დავით ნარმანია ოჯახთან ერთად დაესწრო. მასთან ერთად იმყოფებოდა თბილისის საკრებულოს თავმჯდომარე გიორგი ალიბეგაშვილიც.
წყარო: თბილისის მერია / Tbilisi City Hall


