მთავარი » ქრისტიანობა

საკვირაო ქადაგება (09.06.2013)

სტატიის ავტორი: | თარიღი: 09.06.2013 | 1,444 ნახვა

9 ივნისს საკვირაო წირვის დასრულების შემდეგ მრევლს ქადაგებით მიმართა უწმიდესმა და უნეტარესმა, ილია მეორემ.

პატრიარქმა 6 ივნისს ავღანეთში მომხდარი ტრაგედიის შესახებ ისაუბრა, რომელსაც 7 ქართველი სამხედროს სიცოცხლე ემსხვერპლა.

“დღეს მთელი საქართველო გლოვობს, დასტირის ჩვენს ჯარისკაცებს. შევთხოვთ უფალს, ნათელში დაამკვიდროს მათი სულები… ჩვენ უნდა დავფიქრდეთ, ვინ ვართ და რა უნდა ვაკეთოთ, რათა მომავალი ბედნიერი იყოს. წმიდა ილია მართალმა თქვა: მამული, ენა, სარწმუნოება, რასაც ჩვენ დავუმატეთ: ღმერთი, სამშობლო და ადამიანი. როდესაც ვხედავთ ჯარისკაცებს, რომლებმაც სიცოცხლე გაწირეს, უნდა ვიფიქროთ, სათანადოდ ვუფრთხილდებით თუ არა ადამიანს. ადამიანი უნიკალური ქმნილებაა. ყველას უნდა გვახსოვდეს, რომ ღმერთი ყველაფერს ქმნის მხოლობით რიცხვში, ადამიანი კი არის გვირგვინი ღვთის ქმნილებისა, ხატება ღვთისა,” – აღნიშნა უწმიდესმა.

პატრიარქის თქმით, ჩვენ შევწირეთ ჯერ სამი, შემდეგ – შვიდი ჯარისკაცი და უნდა გავაკეთოთ ანალიზი, რატომ მოხდა ეს, რა უნდა გაკეთებულიყო იმისთვის, რომ ეს არ მომხდარიყო.

“ღმერთმა ნათელში ამყოფოს იმ ჯარისკაცთა სულები, რომლებიც ასე ტრაგიკულად დაიღუპნენ და დაამკვიდროს იქ, სადაცა მართალნი განისვენებენ,”- ბრძანა ილია მეორემ.

შეგახსენებთ, გარდაცვლილ სამხედროებს დღეს სამების საკათედრო ტაძარში 18:00 საათზე მიასვენებენ, 19:00 საათზე კი პანაშვიდი დაიწყება, რომელსაც უწმიდესი გადაიხდის.

სამების საკათედრო ტაძარში სამოქალაქო პანაშვიდზე მისვლა ნებისმიერ ადამიანს შეუძლია.


სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი