“მე, ცოდვილი და უღირსი, გთხოვთ შენდობას” – ილია მეორე.

17 მარტს, ყველიერის შვიდეულის ბოლო კვირა დღეს ყველა ტაძარში შესრულდა საგანგებო ღვთისმსახურება, სადაც შენდობის ლოცვები იკითხება.

ყოვლადწმიდა სამების საპატრიარქო ტაძარში შენდობის წესი შესრულების შემდეგ სრულიად საქართველოს კათოლიკოს-პატრიარქმა, უწმიდესმა და უნეტარესმა მრევლს შენდობა სთხოვა, ხოლო ღმერთს სრულიად საქართველო შეავედრა.

შენდობის დღეს ქრისტიანები ერთმანეთს პატიებას სთხოვენ. ეს დღე ერთადერთია მთელი წლის განმავლობაში, რომელსაც განსაკუთრებული სინანულითა და სულიერი განწმენდის სურვილით ხვდება თითოეული ქრისტიანი.