ეკლესია მცხეთის ჩრდილო-დასავლეთით, განაპირა გორაკზე, შიომღვიმისკენ მიმავალი სამანქანო გზის მარცხნივ დგას.
სამსაფეხურიან ცოკოლზე შემომდგარი დარბაზული ეკლესია რამდენიმე წლის წინ აღადგინეს. ნაგებობა არ არის გადატვირთული საფასადე მორთულობით და გამოირჩევა კარგად დამუშავებული ქვიშაქვის კვადრების წყობითა და დახვეწილი პროპორციებით. კარგად თლილი ქვებით იყო ნაწყობი ინტერიერის კედლებიც. ერთადერთი არქიტრავული შესასვლელი სამხრეთიდან აქვს. დასავლეთ ფასადზე სარკმლის ზემოთ ჰქონდა ორსტრიქონიანი ასომთავრული წარწერა, რომელზეც გაირჩევა მხოლოდ სახელი სტეფანე.
წყარო: www.mtskheta.gov.ge
