მთავარიეკლესია-მონასტრებიXI ს-ის კოზმანის წმ. გიორგის სახ. ეკლესიას ძეგლის სტატუსი მიენიჭა

XI ს-ის კოზმანის წმ. გიორგის სახ. ეკლესიას ძეგლის სტატუსი მიენიჭა

ხარაგაულის მუნიციპალიტეტის სოფ. ღორეშაში მდებარე “კოზმანის” წმ. გიორგის სახელობის ეკლესიას საქართველოს კულტურული მემკვიდრეობის დაცვის ეროვნული სააგენტოს დირექტორის ნიკოლოზ ანთიძის შესაბამისი ბრძანებით კულტურული მემკვიდრეობის უძრავი ძეგლის სტატუსი მიენიჭა (2017 წელი, 30 ივნისი).

კოზმანის წმ. გიორგის სახ. ეკლესია

მცირე ზომის დარბაზული ეკლესია დასახლებიდან 3-4 კმ-თაა დაცილებული ჩრდილო-აღმოსავლეთის მიმართულებით (ადგილს ქვია “კოზმანი”).აღმოსავლეთის ფასადით კლდეზეა გადამდგარი და დაჰყურებს მდ.ძირულას ხეობას,ნაგებია სუფთადთლილი კვადრებით წყობის ჰორიზონტალურობის პირობითი დაცვით. ტაძარს ერთი კარი აქვს.სარკმლები მხოლოდ დასავლეთ და აღმოსავლეთ ფასადებზეა, ინტერიერი ერთიანია,იატაკი ბუნებრივი კლდეა,რომლის დასავლეთ ნაწილი თლილი ფილებითაა შევსებული.გარედან კედლებს საკმაოდ მსხვილი ლილვ-წრეთარგიანი ლავგარდანი ამძიმებს და იმერული კრამიტითაა გადახურული.

1 COMMENT

  1. სასიამოვნოა,რომ წმ.კოზმა და დამიანეს სალოცავს დაცულ ძეგლთა სტთუსი მიენიჭა.
    გაასწორეთ, კოზმანის სალოცავი სოფელ ღორეშაში არ მდებარეობს,
    სალოცავი მდებარეობს სოფელ ამაშუკეთის მთაზე,რომელიც ესაზღვრება სოფელ ბორითს და დასცქერის ახლომდებარე სოფლებს: ამაშუკეთი, ბორითი, ვაშლევი, საქასრია.
    ღორეშა არაფერ შუაშია.
    პატივისცემით.

LEAVE A REPLY

Please enter your comment!
Please enter your name here

მსგავსი სტატიები

კატეგორიები

ახალი კომენტარები