მთავარისაზოგადოებაგამოსაშვები გამოცდები 21 მაისს დაიწყება (2014)

გამოსაშვები გამოცდები 21 მაისს დაიწყება (2014)

გამოცდების ეროვნული ცენტრის ხელმძღვანლის, მაია მიმინოშვილის თქმით, გამოცდის ჩაბარება როგორც მე-11, ისე მე-12 კლასელებს მოუწევთ.

გამოსაშვები გამოცდები ორ ნაწილადაა გაყოფილი: მე-12 კლასელები ოთხ საგანს ჩააბარებენ, გამოცდა რაც შეეხება მე-11 კლასელებს, მათ იმ ოთხი საგნის ჩაბარება მოუწევთ, რომლის სწავლასაც ამ წელს ასრულებენ.

მე-12 კლასელებისთვის საგამოცდო ციკლი 20 მაისს დაიწყება, ეს არის ე.წ. სავარჯიშო დღე, როდესაც მათ შეეძლებათ, გაეცნონ პროგრამას, რომლის საშუალებითაც შემდეგ გამოსაშვები გამოცდა უნდა ჩააბარონ.

პირველი გამოცდა 21 მაისს ქართულ ენასა და ლიტერატურაში ჩატარდება, საგამოცდო ციკლი 25 მაისს დასრულდება. ამ პერიოდში გამოცდის ჩაბარება იმ მე-12 კლასელებსაც შეუძლიათ, რომელთაც რომელიმე საგამოცდო საგანში ბარიერის გადალახვა შემოდგომის სესიაზე ვერ მოახერხეს.

მე-11 კლასელების რეგისტრაცია 25 აპრილიდან დაიწყება. მათთვის ე.წ. სავარჯიშო დღე 13 ივნისს იქნება, 14 ივნისს კი პირველი გამოცდის ჩაბარება მოუწევთ. საგამოცდო ციკლი 19-ში დასრულდება.

წელს მე-12 კლასელების რაოდენობა გასულ წელთან შედარებით მცირეა, სულ 39 ათასზე ოდნავ მეტი მე-12 კლასელია რეგისტრირებული.
რეგისტრირებული მე-11 კლასელების ზუსტი რაოდენობა კი ცოტა ხანში გახდება ცნობილი.

მე-12 კლასელებს საგამოცდო მოსაწვევი ბარათები მაისის ბოლოს დაურიგდებათ. ბარათებში გაწერილი იქნება განრიგი და დრო, თუ როდის უნდა ჩააბარონ საგნებში გამოცდები.

1 COMMENT

  1. გამარჯობათ მაინტერესებს ათვლა საატესტატო გამოცდების ხუთიდან იწყება თუ ნულიდან

LEAVE A REPLY

Please enter your comment!
Please enter your name here

მსგავსი სტატიები

კატეგორიები

ახალი კომენტარები