მთავარი » ფოტორეპორტაჟი

ცემის იოანე ნათლისმცემლის სახელობის ეკლესია

სტატიის ავტორი: | თარიღი: 21.08.2023 | 433 ნახვა

მარტივი ტიპის დარბაზული ეკლესია დგას ოდნავ შემაღლებაზე, ირგვლივ სასაფლაოა, საფლავის ძველი ქვებით. შემორჩენილია გალავნის ნაშთები. აგებულია ერთსაფეხურიან ცოკოლზე, თლილი ქვით. ძირითადად რუხი ფერის ქვაა. ალაგ-ალაგ ჩატანებულია მოწითალო ფერის კვადრებიც.

დასავლეთის შესასვლელი გარედან არქიტრავულია, შიგნიდან კი თაღოვანი. შესასვლელის თავზე თხელ თაღოვან ნიშში ჯვარია ჩაჭრილი და თარიღია ამოკვეთილი. მის ზევით თაღოვანი სარკმელია. ორ-ორი თაღოვანი სარკმელია ჩრდილოეთით და სამხრეთით, წინწამოწეული მოჩარჩოებით. ანალოგიურია აღმოსავლეთის სარკმელიც. თლილი ქვისა ლავგარდანი, ჩაკვეთილი ფოსოთი. ნაგებობა გადახურულია თუნუქის ორქანობიანი საბურავით. საფასადო მორთულობაა სამხრეთ და აღმოსავლეთ ფასადების კვადრებზე ამოკვეთილი წრეში ჩასმული ბოლნური ჯვრები. ეკლესიის ინტერიერი მარტივი გეგმარებისაა.Mდარბაზი აღმოსავლეთით სრულდება საკურთხევლის ნახევარწრიული აბსიდით. დარბაზში ორი წყვილი პილასტრია მარტივი კაპიტელებით. ანალოგიური კაპიტელებია აბსიდის მხრებზეც.

საკურთხეველი ერთი საფეხურითაა ამაღლებული. კონქი მოხატულია XIX ს-ისთვის დამახასიათებელი მხატვრობით. მამა ღმერთის გამოსახულებით. ამავე დროისაა ხის კანკელი. დასავლეთით მოწყობილია ხის პატრონიკენი მოხარატებული მოაჯირით, ხის კიბითვე. იატაკი ცემენტისაა.

ფოტო: თეონა ნოზაძე


სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი