ვიტამინებით მდიდარი ბროწეულის ნაყოფი ბევრი სასარგებლო და სამკურნალო თვისებებით ხასიათდება. ბროწეულის წვენი შეიცავს ისეთ ნივთიერებებს როგორიცაა, კალიუმი, რკინა და კობალტი.
ეს ნივთიერებები კი, სისხლწარმოქმნის პროცესისათვის საჭირო და აუცილებელია.
ბროწეული ხასიათდება ანტიოქსიდანტური თვისებებით, რომელიც იცავს ორგანიზმს მავნე ზემოქმედებისაგან და აძლიერებს იმუნურ სისტემას. ბროწეულის ნედლი ნაყოფი ქერქით გამოიყენება ხველების, გაციების, კუჭ-ნაწლავის ტრაქტის დაავადებების, მალარიის დროს. ქერქის ნახარშს იღებენ ჭიის საწინააღმდეგოდ ნაწლავის სხვადასხვა დაავადებების დროს (ენტეროკოლიტი, დიზენტერია), როგორც შემკვრელ საშუალებას. რეკომენდირებულია ინფექციური დაავადებების შემდგომ პერიოდში, როგორც მოსამაგრებელი საშუალება.
ბროწეულის ნაყოფის ნახარში გამოიყენება პირის ღრუსა და ყელის დაავადებების -სტომატიტის, ანგინისა და ფარინგიტის დროს, როგორც სადეზინფექციო საშუალება. ამისათვის, 20 გრამ მშრალ, დაქუცმაცებულ ნედლეულს დავასხათ 1 ჩაის ჭიქა ცხელი წყალი და დაბალ ცეცხლზე ნახევარი საათით ვადუღოთ, შემდეგ დოლბანდში გავწუროთ და შეგვიძლია დღეში სამჯერ გამოვივლოთ.
ბროწეულის ქერქი ასევე გამოიყენება პრობლემური, ცხიმიანი კანისა და ჩირქოვანი გამონაყარის დროს. ამისათვის, დანაყილი ბროწეულის ქერქი უნდა მოვხალოთ, ავურიოთ მასში ზეითუნის ზეთი და შეგვიძლია კვირაში 2-ჯერ წავისვათ. ბროწეულის ქერქის ფხვნილი ასევე ეფექტურია დამწვრობისა და ნახეთქების დროს სამკურნალოდ. ამისათვის, ბროწეულის წვენი შევაზავოთ ანადუღარ წყლით, თანაბარი რაოდენობით და დავისველოთ დამწვრობის ადგილი.
ჯანმრთელობას გისურვებთ!
ანა ტყებუჩავა

რა რაოდენობით შემიძლია მივიღო და მივცე ოჯახს ბროწეულის წვენი და რა პერიოდში?ჭამის წინ თუ შემდეგ და რამდენჯერ?