სამნავიანი ბაზილიკა, ბოლნისის სიონი აგებულია 478-493 წლებში. მან უძველესი ასომთავრული წარწერა შემოგვინახა. მშენებლობის ინიციატორი დავით ეპისკოპოსია.
ტაძრის არქიტექტურა მკაცრი მონუმენტურობით გვხიბლავს. ტაძარი მორთულია გასაოცარი რელიეფური სკულპტურებით: ფრინველთა თუ ცხოველთა გამოსახულებებით, ჯვრებით. ჯვრის ერთ სახეს – წრეში ჩახაზულ ბოლოებგაფართოებულ ჯვარს – “ბოლნური ჯვრის” სახელწოდებით ვიცნობთ.
ტაძრის გარშემო ფართო, მასიური გალავანი აქვს შემორტყმული. გალავნის შიგნით სამსართულიანი სამრეკლოა აღმართული. ის XVII საუკუნის 80-იან წლებში ბოლნელ ეპისკოპოსს აუგია.
გიორგი სისაური
