ალბათ, ყველას გვინახავს ცხიმოვანი წანაზარდები თავზე, სახეზე და ა.შ. ამ მეტად უსიამოვნო წარმონაქმნის მიზეზი ხშირად ათერომა ხდება.
ათერომა (ბერძნ. “ატჰერე” – ფაფა, “ომა” – სიმსივნე) კანსა და კანქვეშა ქსოვილში განვითარებული კისტოზური წარმონაქმნია. ხალხში ძირითადად ცხიმგროვის სახელით არის ცნობილი.
როგორი დაავადებაა ათერომა? ამ თემაზე “ამბიონს” კანისა და ვენსნეულებათა ს/კ ეროვნული ცენტრის ექიმი-დერმატოლოგი ლიკა ბარელაძე ესაუბრა:
რა არის ათერომა?
ათერომა წარმოადგენს კლასიკურ კისტას თავისი კაფსულითა და შიგთავსით. შიგთავსს ქმნის სქელი, ფაფისებრი მოყვითალო მასა, რომელიც შეიცავს ამორფულ და კრისტალურ ცხიმოვან ნივთიერებებს ეპითელურ უჯრედებთან ერთად. კისტის შიგთავსს ზოგჯერ უსიამოვნო სუნი აქვს. ათერომა ცხიმოვანი ჯირკვლის გამომტანი სადინარის დახშობის შედეგად წარმოიშობა.
ათერომა უმთავრესად ცხიმოვანი ჯირკვლებით მდიდარ ადგილებზე ჩნდება, ყველაზე ხშირად – თავზე, კისერზე, ზურგზე,სახეზე, შედარებით იშვიათად – ხელზე, შორისის მიდამოში, სათესლე პარკისა და გარეთა სასირცხო ბაგეების არეში. ათერომა ორივე სქესის ადამიანს ნებისმიერ ასაკში შეიძლება გაუჩნდეს. შეიძლება იყოს როგორც ერთეული, ისე – მრავლობითი.
ათერომას ფორმები არსებობს?
ათერომას მიაკუთვნებენ კანის ეპითელურ კისტებს, რომლებიც, მიკროსკოპული შენებიდან გამომდინარე, რამდენიმე სახეობად იყოფა. ესენია: ეპიდერმული (ეპიდერმოიდული) კისტა, დერმოიდული კისტა, მრავლობითი სტეატოცისტომა. კლინიკური გამოვლინებითა და მკურნალობით ყველა ერთმანეთს ჰგავს, ამიტომ მათ, პირობითად, ათერომებად მოიხსენიებენ.
რა სიმპტომები ახასიათებს ათერომას?
ათერომა გარეგნულად მრგვალი სიმსივნისმაგვარი წარმონაქმნია, თუმცა სიმსივნე არ არის. რბილია, ზომით 5-დან 40 მმ.-მდე, ზოგჯერ – უფრო დიდიც. ათერომის ზედაპირზე კანი, ჩვეულებრივ, უცვლელია, თუმცა მეორეული ინფექციის დართვისას შესაძლოა მოწითალო ფერი მიიღოს. ათერომა, წესისამებრ, გარემომცველ ქსოვილებთან ერთად მოძრავი და უმტკივნეულოა. ის შესაძლოა წლების განმავლობაში არ გაიზარდოს, ან საკმაოდ მოკლე ხანში საგრძნობლად მოიმატოს ზომაში.ზოგჯერ ათერომა კანის ზედაპირს მცირე ზომის სანათურით უერთდება. ამ სანათურის საშუალებით ათერომული მასა (კისტის შიგთავსი) შესაძლოა გარეთ გამოვიდეს.ზოგიერთ მეცნიერს მიაჩნია, რომ ათერომა მემკვიდრეობითი პათოლოგიაა, ზოგიერთის აზრით კი, ის ნივთიერებათა ცვლის, ან ჰორმონული ბალანსის დარღვევის შედეგია. მრავლობითი ათერომის განვითარებაში ეკოლოგიური ფაქტორები – არასწორი კვება და ცხოვრების არაჯანსაღი წესიც ახდენს გავლენას.
რამდენად საშიში დაავადებაა იგი?
ათერომა არ არის საშიში დაავადება. ის კეთილთვისებიანი კისტოზური წარმონაქმნია, რომელიც არ იწვევს სიცოცხლისთვის საშიშ გართულებებს. ის არ გადაგვარდება ავთვისებიან ფორმად.
როგორ ხდება ათერომის დიაგნოსტიკა?
ის ხშირად ლიპომაში ერევათ. ლიპომა ცხიმოვანი ქსოვილისგან განვითარებული კეთილთვისებიანი სიმსივნეა. ათერომა, წესისამებრ, სხეულის ცხიმოვანი ჯირკვლებით მდიდარ უბნებში ჩნდება, ლიპომა კი – უმეტესად იმ ადგილებზე, რომლებიც კანქვეშა ცხიმოვანი ქსოვილითაა მდიდარი.
დიფერენციალური დიაგნოსტიკა და სწორი დიაგნოზის დასმა მხოლოდ ექიმ სპეციალისტს შეუძლია ჰისტოლოგიური გამოკვლევის საფუძველზე.
მკურნალობა?
ნაჩვენებია ათერომის ქირურგიული მკურნალობა. ათერომის მოცილება (კაფსულიანად ამოკვეთა) ადგილობრივი ანესთეზიით ხდება. მალამოებითა და შინაგანად მისაღები პრეპარატებით მისგან განკურნება შეუძლებელია. ამჟამად, კლასიკურ ქირურგიულ მეთოდთან ერთად, ათერომის სამკურნალოდ ლაზერულ და რადიოტალღურ მეთოდებსაც იყენებენ. თუ ათერომა თავის თმიან ნაწილზეა ლოკალიზებული, კლასიკური ქირურგიული მეთოდით მისი მოცილებისას აუცილებელი ხდება თმის მოპარსვა, რაც მრავალ პაციენტს დისკომფორტს უქმნის მაშინ, როცა ლაზერული ან რადიოტალღური მეთოდებით მკურნალობისას ამის საჭიროება არ არის. არ მოითხოვს ნაკერების დადებას, არ ტოვებს ნაწიბურს. კისტის ლოკალიზაციის, ზომისა და სხვა თავისებურებების გათვალისწინებით, მკურნალობის მეთოდი ექიმმა სპეციალისტმა უნდა შეარჩიოს. ოპერაციის შემდეგ ამოკვეთილი ათერომის მასალა აუცილებლად უნდა გადაიგზავნოს ლაბორატორიაში ჰისტოლოგიური გამოკვლევისთვის.
ზოგიერთი სპეციალისტის აზრით, თუ ათერომა მცირე ზომისაა, არ იზრდება და რაც მთავარია, არ აწუხებს ადამიანს, მისი მოცილება აუცილებელი არ არის. თუმცა თუ მოხდა ათერომის დაინფიცირება მეორეული ინფექციით (წარმოიქმნება ტკივილი, სიწითლე, შეშუპება, ტემპერატურის მომატება, ფლუქტუაცია), ან მისი სპონტანურად გახსნა და ჩირქის გამოყოფა ცხიმიანი შემცველობით, აუცილებელია ოპერაციული ჩარევა. მეთოდს სპეციალისტი არჩევს. გართულებად ითვლება ჭრილობის მეორეული ინფიცირება,რაც არცთუ ისე ხშირია ჰიგიენური პირობების დაცვის დროს.
ექიმის რჩევა:
რადგან ათერომა ჩნდება ცხიმოვანი ჯირკვლებით მდიდარ არეებზე, ამიტომ აუცილებელია პირადი ჰიგიენის დაცვა. საჭიროა გამოვიყენოთ ცხიმიანი კანისათვის განკუთვნილი დასაბანი საშუალებები. ასევე, მნიშვნელოვანია დროული მკურნალობა, რათა არ მოხდეს ათერომის ზომაში ზრდა, დაინფიცირება. თვითმკურნალობა ამ დროს უშედეგოა. ამიტომ უმჯობესია, მიმართოთ ექიმ სპეციალისტს,რომელიც გაგიწევთ სრულფასოვან კონსულტაციას.
დავით დანელია
me minda am operaciis gaketeba da gtxovt mirchiot sad mivide, ertxel ukve gavikete da isev imdenive gamomivida, tavis areshi.
igliis cota ukan maqvs. qirurgma mitxra rom lipomaa. tuar gaiketeb operacias ar aris aucilebelio. magram mis agarshemo cvas vgrznob da mis mxares sicives vgrznob xshirad.tkivilcac. garedan kani chveulebrivi ferisaa.rbili elastiuri da mozravia. titqmis ori celia shevamchnie zomashi ar matulobs magram diskomfortis garda es chivilebi maqvs rac chamovtvale. ras mirchevt da mapatiet uxerxuli shekitxvistvis ra girs es operacia gtxovt mitxrat.var 58 clis da dazgveva aranairi ar maqvs.cinascar gixdit madlobas.
ათერომა ქირურგიული ჩარევის გარდა შეიძლება მოვიშორო?
shegizliat mobrzandet kanisa da vensneulebata s/k erovnul centrshi(lublianas 5,yopili rkinigzis saavadmyopo da gagicevt kvalificiur daxmarebas!!!
tu shegizliat momweret sakontaqto nomeri
shublis areshi periodulad mebereba mrgvalad da qavils macyebinebs,,es maximum ori dgis ganmavlobashi rcheba da shemdeg mteli shublze gaicovs xolme da qreba.clebi aris ukve ase maqvs da sheidzleba rom es ateroma iyos?
ეს თავისუფალი რადიკალებია,ხანგძლივი მკურნალობა სჭირდება!
gamarjobat,shublze maqvs ateroma rogorc eqima mitxraarc ise didi tumca shesamchnevia xan ufro metad mididdeba xan mipataravdeba da dzalian did diskomforts ganvicdi,kanis gare mxares siwitlec maqvs da droda drp wvasac vgrdznob,operacia minda gaviketo da meshinia shrami ufro cudat ar dametyos ,mirchiet rame gtxovt
ayrolda chemi dasmuli shekitxva da vinme gamcems pasuxs?raari saitia tu mitovebuli qoxi
ბატონო უჩა, ჟურნალისტს, არ შეუძლია ყველა სამედიცინო კითხვაზე კომპეტენტური პასუხი გასცეს მკითხველის შეკითხვებს. არც საიტის ფორმატი ითვალისწინებს ექიმის მხრიდან ყველა კითხვაზე პასუხის გაცემას. თუ ეს რეპოსნდენტი ნახავს თქვენს შეკითხვას, ალბათ გიპასუხებთ.
მადლობთ, რომ ხართ “ამბიონის” მკითხველი. :)
qalbatono teona,aq zemot tu gadavxedavt sul shekitxvebia da tanac yvelas pasuxi aqvs gacemuli da raga chemi shekitxva gaxda problema,..otxi dgea vilodebi shemovdivar da vnaxulob iqneb pasuxi iyostqo da aranairad,vfiqrobdi ro profesionali da kargi eqimi mipasuxebstqo da iqneb damaimedos ramittqo tore ki mival sxva adgilobriv eqimtan,..((((
ლაზერული ან რადიოტალღური მეთოდებით სად ხდება თბილისში ათერომის ამოკვეთა
იქნებ დააზუსტოთ სად და რა მისამართზე ხდება ლაზერული მეთოდით ათერომის მოცილება
სად და რა მისამართზე ხდება ათერომის მოცილება ლაზერული ან რადიოტალღური მეთოდით?
თუ ვინმეს გაქვთ ინფორმაცია, გთხოვთ მომაწოდოთ, წინასწარ გიხდით მადლობას
დღეს გავიკეთე ათერომის ოპერაცია, ექიმ გრიგოლ ლეჟავასთან, ქავთარაძეზე ევექსის საავადმყოფოში. ძალიან კარგი ქირურგია, გირჩევთ ვისაც ეს პრობლემა გაქვთ მიაკითხოთ