შობის დღესასწაულთან დაკავშირებით ტრადიციული ალილოს თეატრალიზებული მსვლელობისას შეგროვილი ნობათი: ტკბილეული, ხილი, ტანსაცმელი და სხვადასხვა საკვები, სამების ტაძრის ახალგაზრდულ ცენტრში, ალილოს საორგანიზაციო ჯგუფის მიერ დახარისხდა და თბილისსა და მის შემოგარენში არსებულ მზრუნველობამოკლებულ ბავშვთა სახლებსა და მოხუცთა თავშესაფრებს დაურიგდა.
ქრისტეს შობის დღესასწაულზე ალილოს საზეიმო მსვლელობა სრულიად საქართველოს კათოლიკოს-პატრიარქის, უწმიდესისა და უნეტარესის ილია მეორის ლოცვა–კურთხევით უკვე მეცამეტე წელია გრანდიოზული მსვლელობით აღინიშნება.
ფოტო დავით დანელია
