20 ივლისი 2024, შაბათი
მთავარისხვადასხვაალავერდის განახლება გრძელდება

ალავერდის განახლება გრძელდება

ალავერდის სამონასტრო ანსამბლის კომპლექსური განახლება გრძელდება. რესტავრატორები აღმოსავლეთ ფასადის აღდგენით სამუშაოებს აწარმოებენ. ალავერდი ტაძრის მთელ პერიმეტრზე ხორციელდება განადგურებული შირიმის ქვის ცოკოლისა და გუმბათში არსებული დაზიანებული ფანჯრის ღიობების განახლება. ამ ეტაპზე უკვე დასრულებულია რამდენიმე წლის წინ, ტაძრის აღმოსავლეთით გამოვლენილი აკლადამის კონსერვაცია.

ალავერდის სამონასტრო კომპლექსში ძეგლთა დაცვისა და გადარჩენის პარალელურად, ხორციელდება თანამედროვე ინფრასტუქტურის და ახალი ტურისტული კომპონენტების შექმნა. კახეთის განვითარების სახელმწიფო და მსოფლიო ბანკის დაფინანსებით მონასტრის ტერიტორიაზე მოეწყობა მაწვნის სახლი, კაფე და სუვენირების მაღაზია.

ალავერდის კომპლექსი რეგიონის მთავარ სანახაობას წარმოადგენს, როგორც მომლოცველებისთვის ასევე რიგითი ტურისტებისთვის. ძეგლის განვითარება უკვე რამდენიმე წელია მიმდინარეობს. ტერიტორიის მასშტაბიდან გამომდინარე ძეგლზე კველვითი სამუშაოები ჯერ კიდევ 2006 წელს დაიწყო – ეზოს ტერიტორია გაიწმინდა ნაყარი ქვა-ღორღისაგან და მცენარეული საფარისგან. ჩატარებული გათხრების შედეგად, გამოვლინდა XVI-XVII საუკუნეების აბანო. ძეგლის სარესტავრაიციო ეტაპების გათვალისწინებით, პირველ რიგში, აღდგა სწორედ აბანო, მარანი, ფეიქარხანი და ეპისკოპოსის სასახლე.

ალავერდის რეაბილიტაციის მიმდინარე ეტაპი კულტურული მემკვიდრეობის დაცვის 2012 წლის პროგრამის გათვალიწინებული ვადით, სექტემბერის ბოლოს დასრულდება.

მსგავსი სტატიები

LEAVE A REPLY

Please enter your comment!
Please enter your name here

კატეგორიები

ახალი კომენტარები