ინტერნეტჟურნალი “ამბიონი” პერიოდულად გაგაცნობთ საეკლესიო ტერმინთა მცირე განმარტებებს. ეს ლექსიკონი ყველა მართლმადიდებლისათვის საჭირო და გამოსადეგი იქნება. ამჯერად, გაგაცნობთ სიტყვა – აიაზმის განმარტებას.
აიაზმა არის ბერძნული (αγιασμοσ) სიტყვაა და წმინდა, განწმენდილ წყალს ნიშნავს. ძველ წერილობით ძეგლებში აღნიშნული სიტყვა თითქმის არ გვხვდება. მის ნაცვლად გამოიყენება ქართული შესატყვისი „წმიდა წყალი“. აიაზმა ქართულში დასტურდება მხოლოდ მე-18 საუკუნიდან.
აიაზმა ნაკურთხი წყალი, არის დიდი და მცირე.
დიდი აიაზმა:
1. წყალკურთხევისა და ნათლისღების დღესასწაულზე ნაკურთხი წყალი, რომელსაც მორწმუნეები მთელი წლის განმავლობაში იყენებენ.
2. ნათლობის საიდუმლოს შესრულების დროს ნაკურთხი წყალი.
მცირე აიაზმა – პარაკლისების და სხვა მსახურებათა ასრულების დროს ნაკურთხი წყალი.
“აიაზმა არის უდიდესი სასწაული ღვთისა. ნაკურთხი წყალი ყოველდღიურად უნდა მიიღოთ უზმოზე. ეცადეთ, ხშირად აკურთხოთ თქვენი საცხოვრისი, რომ მშვიდობამ და სიყვარულმა დაისადგუროს თქვენს ოჯახში”!
უწმიდესი და უნეტარესი ილია II
მოამზადა ტყებუჩავა ანამ
