ზეციური ნიშნის ხატი მოსკოვის ზეციური ნიშნის მონასტრის მთავარი სიწმინდეა. მის წინაშე წმინდა პატრიარქი ფილარეტი ლოცულობდა. სამეფო ოჯახის საგვარეულო ხატი XVI ს-ის ბოლოს ან XVII ს-ის დასაწყისშია დაწერილი. მარტო ღვთისმშობლის სახე კი არა, ხატის მთლიანი მორთულობა მთლიანად შენარჩუნებულია. ამაში გვარწმუნებს მონასტრის ჩანაწერები – 1831 წლიდან დღემდე.
მდიდრულად მორთული ხატი მონასტრის მთავარი ტაძრის კანკელზე, აღსავლის კარის მარცხნივაა მოთავსებული. ვერცხლის კანდელი,რომელიც მის წინ ანთია, ხატს დედოფალმა – მონაზონმა მართა იოანეს ასულმა შესწირა – რათა მრავალჟამიერ დაეცვა მისი ვაჟი, დიდი მთავარი მიხეილ თეოდორეს ძე.
წყარო: „ყოვლადწმიდა ღვთისმშობლის მიწიერი ცხოვრება და
მისი სასწაულთმოქმედი ხატების ისტორია“, თბილისი, 2001 წ.
სტატიაზე ვრცელდება "ამბიონის" საავტორო უფლებები