მთავარი » ხატები და ფრესკები

ზეციური ნიშანი – პავლოვის

სტატიის ავტორი: | თარიღი: 10.01.2018 | 1,293 ნახვა

ქ. პავლოვსკის ფერისცვალების ტაძარში, ვორონეჟის ეპარქიაში სასწაულთმოქმედი ხატი ღვთისმშობლის ზეციური ნიშანი იმყოფება. 1696 წელს იმპერატორმა პეტრე I-მა ქ. აზოვს ალყა შემოარტყა და დაანგრია ის. ნანგრევებში ორი ხატი იპოვეს: ერთი – იოანე წინასწარმეტყველის და მეორე – ღვთისმშობლის ზეციური ნიშნის, რომელიც პეტრე პირველმა მაშინვე აზოვის ეკლესიაში მოათავსა.

ზეციური ნიშანი - პავლოვის

როდესაც 1711 წელს თურქებმა აზოვი დაიბრუნეს, პეტრე I – ის ბრძანებით ხატი ოსრედსკის ციხე-სიმაგრის ეკლესიაში გადაიტანეს. ამგვარად იწოდებოდა მაშინ ქ. პავლოვსკი. აზოვის ეკლესიის მრევლიც ამავე ტაძარში გადმოვიდა და საეკლესიო ნივთებიც თან წაიღეს.

ეს ხატი 5 გოჯის სიდიდის ზღვის ნიჟარის უკანა მხარეზეა ამოტვიფრული. ნიჟარის მინანქარი დროისგან ჩაყვითლებულია. ღვთისმშობლის გამოსახულება ხაზებითაა შესრულებული. თავდაპირველ ის დიდ ხის კიოტში მოათავსეს, რომლის კიდეებზეც 6 ნაწილად იყო გამოსახული აზოვის ბრძოლის სურათები და თვით ამ ხატის მირქმის ეპიზოდი. კიოტზე, ქვედა მხარეს იყო წარწერა, რომელიც ამოწმებდა ხატის ისტორიას.

XIX ს-ის 20 -იან წლებში ხატი მოოქროვილ, ბრწყინვალე კიოტში ჩასვეს და აღსავლის კარის ზემოთ მოათავსეს. ამ სიწმინდედ მიჩნეულ ხატს ღვთისმსახურების შემდეგ თოკებით ძირს უშვებენ, რათა მორწმუნეები მიემთხვიონ მას. სადღესასწაულო ღამისთევის შემდეგ, როდესაც ღვთისმსახური I ჟამნის განტევებაზე აღსავლის კართან იდგა, ეკლესიის მსახურნი მას ორივე მხრიდან გვერდში ამოუდგებოდნენ და გალობდნენ: ,,ვინ არა მოგეახლოს შენ, შენს მიერ იქმნების სარცხვინელ’’. ამ დროს წმინდა ხატი ნელა ეშვებოდა ძირს ,როცა შარავანდედის ქვედა სხივები იატაკს შეეხებოდა, გალობა ამგვარად თავდებოდა: ,,ყოვლადწმინდაო ღვთისმშობელო, გვაცხოვნენ ჩვენ’’. ღვთისა და ეკლესიის მსახურნი ,მათ კვალდაკვალ კი მრევლი, ხატს ემთხვეოდა.

ზეციური ნიშნის სასწაულთმოქმედ ხატს ოჯახებში დააბრძანებენ და მის წინაშე პარაკლისებს აღასრულებენ. ყოველწლიურად, აღდგომიდან მე-9 პარასკევს ამ ხატთან ერთად ,,ცივი ჭის’’ მიმართულებით – პავლოვსკიდან 6 ვერსის დაშორებით – ლიტანია აღესრულება. ამ ჭასთან ღვთისმშობლის სავედრებელი ლოცვა აღევლინა, ხოლო შემდეგ პეტრე I -ის პანაშვიდი, რადგან სწორედ მან დააარსა ქ. პავლოვსკი და წმინდა ხატიც ეკლესიას მანვე შესწირა.

წყარო: „ყოვლადწმიდა ღვთისმშობლის მიწიერი ცხოვრება და
მისი სასწაულთმოქმედი ხატების ისტორია“, თბილისი, 2001 წ.


სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი

"იყავი უმეცარი სიბრძნეში და ნუ მოაჩვენებ თავს ბრძნად, როდესაც უგუნური ხარ", - წმ. ისააკ ასური.