წმიდა შუშანიკი ჰერეთის პიტიახშის, ვარსქენის მეუღლე იყო. ქრისტიანულ ოჯახში აღზრდილი დედოფალი ბავშვობიდანვე ღვთის შიშითა და სიყვარულით გამოირჩეოდა.

შუშანიკსა და ვარსქენს სამი ვაჟი და ერთი ქალიშვილი ჰყავდათ.

467 წელს ვარსქენი სპარსეთის მეფის, პეროზის მეფის კარზე გაემართა და სრული მორჩილება გამოუცხადა მას. ერთგულების დამტკიცების მიზნით ვარსქენმა ქრისტიანობა უარყო მაზდიანობა, იგივე ცეცხლთაყვანისმცემლობა აღიარა, რაც იმ დროს სპარსეთში გაბატონებულ რელიგიას წარმოადგენდა.

ვარსქენმა პეროზს აღუთქვა, რომ შუშანიკსა და მის შვილებსაც შეაცვლევინებდა სარწმუნოებას.
სპარსეთიდან დაბრუნებულ ვარსქენს, შუშანიკმა მტკიცე უარი განუცხადა მაზდიანობის მიღებაზე და სიცოცხლის ბოლომდე ქრისტიანული სარწმუნოების ერთგული დარჩა.

475 წლის 17 ოქტომბერს შუშანიკ დედოფალი გარდაიცვალა. წამებული დედოფალი დიდი პატივით მიაბარეს მიწას.