მთავარი » ქრისტიანობა

წითელი კვერცხი – აღდგომის სიმბოლო

სტატიის ავტორი: | თარიღი: 14.04.2020 | 412 ნახვა

დიდ პარასკევს ქრისტიანები წითლად ღებავენ კვერცხებს. გადმოცემით, როდესაც ამაღლების შემდგომ იესო ქრისტემ თავისი მოწაფეები სხვადასხვა ადგილებში წარგზავნა, რათა ადამიანებისთვის მისი აღდგომის შესახებ ეხარებინათ, საქადაგებლად გაეშურა ასევე მარიამ მაგდალინელიც, რომლისგანაც მაცხოვარმა შვიდი ეშმაკი განდევნა (იხ. ლუკ. 8, 2) და რომელმაც ღვთისმშობლის შემდეგ პირველმა იხილა მკვდრეთით აღმდგარი მაცხოვარი (იხ. მარკ. 16, 9; იოან. 20, 1). წმინდა მარიამი რომში ჩავიდა და პირდაპირ იმპერატორის სასახლეს მიაშურა. მან იმპერატორ ტიბერიუსს საჩუქრად კვერცხი გაუწოდა და ახარა: „ქრისტე აღდგა!“. იმპერატორმა ქალს ეჭვით შეხედა და წამოიძახა:

„როგორ შეეძლო მკვდარს აღმდგარიყო?! ეს ისევე დაუჯერებელია, როგორც ის, რომ ახლა ეს კვერცხი გაწითლდესო“ – სიტყვები ჯერ არ ჰქონდა დამთავრებული, რომ კვერცხი მართლაც გაწითლდა. ამ დღიდან მოყოლებული ქრისტიანები წითელი კვერცხებით ეგებებიან და ამ სიტყვებით, – „ქრისტე აღდგა!“

„ჭეშმარიტად აღდგა!“, – ახარებენ ერთმანეთს აღდგომის ბრწყინვალე დღესასწაულს.

საერთოდ, კვერცხი მარადიული სიცოცხლის სიმბოლოა, რადგან მისგან ცოცხალი არსება იბადება. წითელ ფერში კი სისხლი მოიაზრება, რადგან იესო ქრისტემ თავისი წმინდა სისხლით კაცობრიობა განწმინდა ცოდვათაგან და აკურთხა იგი.

წყარო: წიგნი “ეკლესიის საუნჯე”
შემდგენელი: დავით შონვაძე




სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი