მთავარი » ჯანმრთელობა

წითელას ვაქცინაცია საქართველოში

სტატიის ავტორი: | თარიღი: 06.09.2013 8 კომენტარი | 10,946 ნახვა

რა განსხვავებაა კომერციულ და სახელმწიფო უფასო ვაქცინას შორის?

წითელა ფართოდ გავრცელებული ვირუსული დაავადებაა, რომელიც ადვილად გადადის ჰაერწვეთოვანი გზით. ბოლო მონაცემებით, წითელას აცრა საქართველოში 7500-მდე წითელას შემთხვევაა დაფიქსირებული. სპეციალისტები გვაფრთხილებენ, რომ წითელასგან დაცვის ერთადერთი საშუალება ვაქცინაციაა.

ამ თემაზე უფრო ვრცლად დაავადებათა კონტროლისა და საზოგადოებრივი ჯანმრთელობის ეროვნული ცენტრის, გადამდებ დაავადებათა დეპარტამენტის უფროსი, ხათუნა ზახაშვილი გვესაუბრება:

– რა არის წითელა?

წითელა მწვავე ვირუსული დაავადებაა, რომელიც მხოლოდ ადამიანებს ემართებათ. ისტორიულად იგი ისეთივე ძველია, როგორც კაცობრიობა და 20 საუკუნის 60 – იან წლებამდე, ყოველ 2-3 წელიწადში ერთხელ ბავშვებში მასიური გავრცელებით ხასიათდებოდა. წითელა, თავისთავად, მძიმე ინფექციური დაავადებაა და იმ დროს ბავშვებში მაღალი სიკვდილიანობითაც ხასიათდებოდა. მე-20 საუკუნის 60-იანი წლებიდან მთელ მსოფლიოში დაიწყო წითელას საწინააღმდეგო აცრები, რამაც განვლილი 50 წლის განმავლობაში გამოიწვია წითელას შემთხვევებისა და წითელათი გამოწვეული სიკვდილიანობის მკვეთრი შემცირება. ზოგიერთ ქვეყანასა და კონტინენტზე კი საერთოდ გაქრა წითელას ადგილობრივი გადაცემა (ანუ მხოლოდ შეტანილი შემთხვევები რეგისტრირდება).

– როგორ ხდება მისი გავრცელება?

წითელას ვირუსი ჰაერში გამოიტყორცნება დაავადებული ადამიანის მიერ და თუ ასეთ ჰაერს შეისუნთქავს ისეთი ჯანმრთელი პირი, რომელიც არაა აცრილი, ან არ აქვს გადატანილი წითელა (ანუ წითელას მიმართ არ გააჩნია იმუნიტეტი), იგი აუცილებლად გახდება ავად.

– მკურნალობა

წითელას საწინააღმდეგო სპეციფიური თერაპია არ არსებობს. თუმცა დაავადებული საჭიროებს საგანგებო მოვლასა და რეჟიმს, რომლის რეკომენდაციაც ექიმის მიერ გაიცემა.

– პროფილაქტიკა

წითელა, საბედნიეროდ, იმ დაავადებათა ნუსხას მიეკუთვნება, რომლის საწინააღმდეგო ვაქცინაც თანამედროვე მსოფლიოს მხსნელად მოევლინა. მე უკვე ვახსენე, რომ წითელას ვაქცინის გამოყენებას ხანგრძლივი ისტორია აქვს და ამ ისტორიის მანძილზე ვითარდებოდა და იხვეწებოდა ვაქცინის ხარისხი. წითელა დღეს წითელას ვაქცინა მაღალი უსაფრთხოების ვაქცინებს მიეკუთვნება. პირველი ვაქცინაციის შემდგომ აცრილთა 90%-ს უყალიბდება იმუნიტეტი, რომელიც მთელი სიცოცხლის მანძილზე იცავს წითელასგან. მეორედ აცრის შემდეგ კი ეს რიცხვი კიდევ უფრო მატულობს.

– რამდენად ხელმისაწვდომია საქართველოს ყველა მოქალაქისთვის წითელას ვაქცინაცია?

საქართველოში წითელას საწინააღმდეგოდ გამოიყენება ე.წ. ტრივაქცინა (წწყ), რომელიც ერთდროულად იცავს წითელას, წითურისა და ყბაყურისგან. ეს ვაქცინა ქვეყნის მოქალაქეებისთვის სრულიად უფასოა და სტანდარტულად კეთდება 1 და 5 წლის ასაკში.

წითელათი დაავადების გავრცელებისას მიზანშეწონილია ავადმყოფთან კონტაქტირებულების დროული აცრა (კონტაქტის შემდგომ რაც შეიძლება სასწრაფოდ) და ამ შემთხვევაშიც ქვეყანა იყენებს წწყ ვაქცინას.

– საზოგადოებაში არის ეჭვი, რომ უფასო ვაქცინა არის დაბალი ხარისხის ახალი ვაქცინა, რომელსაც ცდიან ჩვენს მოქალაქეებზე. ამ მოსაზრებას იზიარებს მედიკოსთა ნაწილი, რაც მოქალაქეთა ეჭვს ამყარებს.

რა განსხვავებაა კომერციულ და სახელმწიფო უფასო ვაქცინას შორის?

ვაქცინის ფასიანობა და უფასობა თავისთავად არ განაპირობებს არანაირ განსხვავებას. იმუნიზაციის ქსელის სახელმწიფო („უფასო“) და კომერციულ („ფასიანი“) სექტორებში შესაძლოა (და ხშირად ასეცაა) ერთდროულად ხდებოდეს ერთი და იმავე მწარმოებლის სრულიად ერთნაირი მახასიათებლების მქონე ვაქცინების დისტრიბუცია, ან იყოს განსხვავებულიც, თუმცა ეს არ ნიშნავს, რომ რომელიმე მათგანი უკეთესია, ან უარესი. სახელმწიფო ბიუჯეტით შეძენილი და მომხმარებლამდე „უფასოდ“ მიწოდებული ვაქცინები ყოველთვის ითვალისწინებს ქვეყანაში არსებულ ეპიდსიტუაციას და თანმიმდევრულია იმ პოლიტიკისა, რომელიც განსაზღვრულია ამა თუ იმ დაავადების შემცირების, ან აღმოფხვრისკენ (თუმცა, კომერციული სექტორის მიმწოდებლებიც, სავარაუდოდ, ასევე დაინტერესებულნი უნდა იყვნენ ადექვატური და ხარისხიანი ვაქცინების დისტრიბუციაში). საქართველოში მოქმედი პროფილაქტიკური აცრების სახელმწიფო კალენდრის ფარგლებში ბოლო წლების განმავლობაში მოწოდებული ვაქცინები ძალზე მაღალი ხარისხის და უსაფრთხოებისაა და გამოიყენება დასავლეთის განვითარებულ ქვეყნებში (ა.შ.შ.-ში, საფრანგეთში, ავსტრიაში, ინგლისში, გერმანიასა და ა.შ..). საქართველოში სახელმწიფო სექტორში შემოსული ყველა ვაქცინა ჯანმრთელობის მსოფლიო ორგანიზაციის (WHO) მიერაა პრეკვალიფიცირებული (ანუ მიღებული აქვს დადებითი შეფასება ხარისხის, უსაფრთხოებისა და ეფექტურობის საერთაშორისი სტანდარტების შესაბამისობაზე) და ახლავს GMP-ის ხარისხის ნიშანი.

გარდა ამისა, ვაქცინის უსაფრთხოებაზე ზედამხედველობა მუდმივ რეჟიმში მიმდინარეობს პოსტმარკეტინგულ პერიოდში.

ამჟამად ხმარებული წწყ ვაქცინა, GSK-ის წარომებისა, ისტორიულად გამოცდილი ვაქცინაა და მის უსაფრთხოებასა და ხარისხში დაეჭვება არ შეიძლება.

– სად და როგორ ხდება მოქალაქეების აცრა წითელაზე?

მოქალაქეთა აცრა ხდება ნებისმიერ იმ დაწესებულებაში, რომელიც რეგისტრირებულია, როგორც იმუნიზაციის მომსახურების მიმწოდებელი. მათი განახლებადი სია შეგიძლიათ იხილოთ ვებ გვერდზე: www.ncdc.ge, ასევე, იმუნიზაციის სახელმწიფო პროგრამის ფარგლებში წწყ ვაქცინის მიმწოდებელ დაწესებულებათა ნუსხა. აქვე განთავსებულია მთავრობის განკარგულება, რომელიც განსაზღვრავს, ვის ეკუთვნის ვაქცინაცია უფასოდ. მოკლედ შემიძლია ჩამოგითვალოთ:

• 1 ; 5 და 14 წლის ასაკის ბავშვები;
• 2-დან 14 წლამდე ბავშვები, რომლებიც მანამდე არ იყვნენ სრულყოფილად აცრილები, ანუ არ აქვთ მიღებული წითელას კომპონენტის შემცველი ვაქცინის 2 დოზა;
• ნებისმიერი კონტაქტირებული წითელათი დაავადებულთან;
• მედპერსონალი;
• მოსახლეობის სპეციალური ჯგუფები, რომელთა აცრას საჭიროდ მიიჩნევს ჯანმრთელობის სამინისტრო, ეპიდსიტუაციიდან გამომდინარე.

დავით დანელია


სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

8 კომენტარი »

  • mariami says:

    ფასიან და უფასო ვაქცინებზე მეც გამიგია, რომ განსხვავება არაა, ერთი და იგივეა, ფული რატომ უნდა გადაყარო და ა.შ. მაგრამ მაეჭვებს ერთი რამ:
    ჩემს გარშემო ასეთი სტატისტიკაა: ფასიანი ვაქცინით აცრილ ბავშვზე ერთი შემთხვევაც არ მახსოვს, ეთქვათ, რომ ბავშვს სიცხე მისცა ან რამე რეაქცია ჰქონდა. უფასო ვაქცინით აცრილ ბავშვებს ხშირად აძლევთ 1-2 დღე სიცხეებს. თუ ეს ვაქცინები აბსოლუტურად ერთნაირია, მაშინ შედეგიც ერთნაირი უნდა იყოს, ასე არ არის? და რატომ არის მაშინ ასეთი განსხვავებული სტატისტიკა?
    წითელას ვაქცინაზე არ მაქვს საუბარი ამ შემთხვევაში. 2 თვიდან რომ ცრიან ბავშვებს, იმ ვაქცინებზე ვამბობ.

  • mari says:

    gamarjobat… ase 3tvis win gavikete witelaze acra, exlaxans gavtxovdi da orsulad rom davrche sashishia tu ara mainteresebs 6tve rom ar gasula, an ra sheidzleba gamoiwvios? winaswar madlobt…

  • Tini says:

    მოგესალმებით, ჩემი გოგონა 4 წლის არის წითელაზე აცრილია მხოლოდ ერთხელ, არსებული რეალობიდან გამომდინარე მივაკითხე პოლიკლინიკას მეორედ ასაცრელად თუმცა უარი მივიღ, 5 წლამდე ვერ ავცრითო, ძალიან ვნერვიულობ სად შემიზლია ავცრა ბავშვი ? გთხოვთ მიპასუხეთ

  • ვლადიმერი says:

    ექიმი – ისეთივე კარგი კონსულტანტია აცრების საკითხში,

    როგორც ყასაბი – ვეგეტარიანულ საკითხებში“
    ბერნარდ შოუ.

    ბოლო წლებში აცრების უსაფთხოება და ეფექტურობა სულ უფრო მეტ ეჭვებს იწვევს.
    სტატიაში მოცემულია მოკლე ინფორმაცია ვაქცინის დამზადების პროცეზე, უკუჩვენებებზე, მასობრივი აცრების უარყოფით მხარეებზე.
    მოციმული სტატიის დანიშნულებაა – გავაკეთოდ ინფორმაციული არჩევანი აცრებთან მიმართებაში, რომელიც დაფუძნებულია მათ შესახებ სრულ ინფორმაციაზე.

    ვაქცინის ტოქსიკური კომპონენტები.

    ვაქცინის წარმოების პროცესში თითქმის გამოიყენება ყველაფერი.
    რას ფიქრობთ, მაგალითად, ადამიანის მკვდარ ორგანოებსა და სისხლის შესახებ, რომლებიც გარდაიცვალნენ ჰეპატიტით, სიმსივნით, სარკომით? სწორედ ეს ორგანოები გახლავთ საწიყისი მასალა ვაქცინური ვირუსების გამოსაყოფად. როგორც კი ვირუსს გამოყოფენ, იწყება მისი გამოზრდა სპეციფიკურ კულტურულ გარემოში, რისთვისაც ისევ და ისევ (ამჯერად, უკვე „მკვებავი სუბსტრატის“ სახით) ადამიანის და ცხოველის სისხლი, ქსოვილი და ორგანოები გამოიყენება. და თუკი ვაქცინას იღებენ სიმსივნური ქსოვილებისგან, მაშინ ბავშვებში ხდება სიმსივნური დნმ-ს იმპლანტირება! მაშ რითი აიხსნება ბოლო 60 წლის მანძილზე სიმსივნური დაავადებების მკვეთრი ზრდა, რომელიც იდენტიფიცირებულია ვაქცინასთან!
    ვირუსები, როგორც ცნობილია, ცუდად მრავლდება ჯანმრთელ უჯრედში, ამიტომ
    მათი გამოზრდისთვის ვაქცინის მწარმოებლები გამოიყენებენ ავადმყოფებს, გენეტიკური დეფექტების მქონე ცხოველებს – მაგალითად სპეციალურ თაგვებს „სიმსივნური ხაზით“ (AKR), რომლებიც თავდაპირველად გამოიყენებიან ონკოლოგიური ექსპერიმენტების ჩასატარებლად.
    და აი ვირუსები გამრავლებულია და სწორედ ამ დროს ხდება მათი ინაქტივაცია – ანუ მათი
    განადგურება ფორმალდეჰიდით (მისი თხევადი ფორმა – ფორმალინი)- ძლიერი პროტოპლაზმური შხამით, მუტაგენებითა და კანცეროგენებით (ნივთიერება რომელიც იწვევს კიბოს, როგორც წესი ის გამოიყენება ბალზამირებისთვის). ამასთან, ფორმალდეჰიდი არსად ქრება – ის მთლიანად რჩება ვაქცინის დოზის მოცულობაში.
    ფორმალდეჰიდი გამოიყენება სოფლის მეურნეობაში, როგორც გერმეციდი, ფუნგიციდი და ინსექტიციდი. ფორმალდეჰიდის შეღწევა საჭმლის მომნელებელ ტრაქტში იწვევს მოწამვლას – ძლიერ ტკივილებს მუცლის არეში, სისხლიან პირღებინებას, შარდში ცილების გაჩენას, თირკმელების დაზიანებას, რის შედეგადაც წყდება შარდის გამოყოფა, აციდოზს, თავბრუსხვევას, კომას და სიკვდილს.
    კვლევები, რომლებიც დაამტკიცებენ ვაქცინაში ფორმალდეჰიდის არსებობის უსაფრთხოებას, არ არსებობს.
    ისმება კითხვა, რას შეიცავს აცრის პრეპარატები? ჩამოგითვლით რამოდენიმე კომპონენტს:
    – პირველ რიგში, ეს არის მკვდარი ორგანოების უჯრედები, ასევე ცხოველების უჯრედები (მაგალითად, მაიმუნებისა და ზაზუნების თირკმელის უჯრედი);

    – აბორტირებული ადამიანის ნაყოფის უჯრედები (რომლებიც გამოიყენება წითელას,
    ჩუთყვავილას, A ჰეპატიტის ვაქცინების საწარმოებლად);

    – გადანერგილი სიმსივნური უჯრედები HeLa-ს ხაზის (საკვები ვირუსებისთვის);

    – გენ-მოდიფიცირებული საფუარა უჯრედები;

    – ქათმის ცილა (როგორც ყველა სახის ცილა, ის ძლიერი ალერგენია!);

    – ძაღლების, მაიმუნების, ცხვრების, ღორების სისხლის შრატი;

    – ჰიდროლიზებული ჟელატინი;

    – ძლიერმოქმედი ანტიბიოტიკები;

    – დეზინფეკტანტების, კონსერვანტების, სორბენტებისა და სხვა ადიუვანტების (დანამატების სახით) შეყავთ დიდი რაოდენობით ფენოლი. ფენოლი – ძლიერტოქსიკური ნივთიერებაა, რომელიც მიიღება ქვანახშირის ფისისაგან. ის იწვევს შოკურ მდგომარეობას, სისუსტეს, კონვულსიებს, თირკმელების დაზიანებას, გულის უკმარისობას, სიკვდილს. ფენოლი შედის მანტუს სინჯის ხსნარის შემადგენლობაში. ფენოლი წარმოადგენს პროტოპლაზმურ შხამს, რომელიც ტოქსიკურია ყველა უჯრედისთვის. ის ახშობს ფაგოციტოზს და შესაბამისად პირველად იმუნურ პასუხს. მაშასადამე, ვაქცინა, რომლის შემადგენლობაში შედის ფენოლი, კი არ აძლიერებს, არამედ ასუსტებს იმუნიტეტს, მათ შორის ყველაზე მთავარ რგოლს – უჯრედს;

    – მეთილირებული ვერცხლისწყალი – ორგანული მარილის სახით (ტიმეროსალი ან მერტიოლიატი) უმატებენ ვაქცინას, როგორც კონსერვანტს, რათა არ მოხდეს ვაქცინის დაბინძურება მიკროორგანიზმებით.

    ბოლო კვლევებმა აჩვენს, რომ მერტიოლიატი აღწევს ჰემატოენცეფალური
    (სისხლი-ტვინი) და პლაცენტური ბარიერების გავლით, რაც იწვევს ვერცხლისწყლის შემცველობის მომატებას ქსოვილებში, მათ შორის ტვინშიც.
    ამერიკელი მკვლევარების ჯგუფმა დაადგინა აუტიზმსა და ვერცხლისწყლით მოწამვლას შორის მსგავსება, რა დროსაც ორგანიზმის ბიოქიმიაში, ასევე იმუნურ, ცენტრალურ ნერვულ სისტემაში, ნეირიოქიმიასა და ნეოროფიზიოლოგიაში ხდება ცვლილებები.
    ცნობილია, რომ ალცჰეიმერით დაავადებულებში ვერცხლისწყლის შემცველობა ტვინში 2-3ჯერ აღემატება ნორმას.
    ადამიანის ორგანიზმში ვერცხლისწყლის შეღწევის მნიშვნელოვანი წყაროებია:
    ვაქცინები, ამალგამაზე დამზადებული კბილის ბჟენები და ზღვის პროდუქტები.
    ალუმინი – ნეიროტოქსიკურია, რომელასც შეუძლია დააზიანოს ცნს. ალუმინის დაგროვება შესაძლოა გახდეს კუნთებში ქრონიკული დაავადებების მიზეზი (მიალგია), რომელიც რთულად ემორჩილება მკურნალობას და, რომელიც, შესაძლოა, მნიშვნელოვან როლს თამაშობს გაფანტული სკლეროზის ჩამოყალიბებაში. კვლევებმა აჩვენა, რომ ალუმინის მარილების ხანგრძლივი კონტაქტი ტვინის უჯრედებთან შესაძლოა გახდეს დემენციისა და სწავლების უნარის დაკარგვის მიზეზი. კვლევებით ასევე დადგინდა, რომ ვაქცინის გზით ორგანიზმში შეყვანილი ალუმინი აღწევს ტვინს და ის რამდენიმე ხნით იქ რჩება.
    ალუმინი ასევე იყო აღმოჩენილი ალცჰეიმერით გარდაცვლილთა ტვინში.
    ასევე კვლევებით დადგინდა ალუმინისა და ვერცხლიწყლის სინერგეტიკული ტოქსიკურობა: „ალუმინის ყოფნა მკვეთრად გაიზარდა მკვდარი ნეირონები, გამოწვეული ტიმეროსალით. მაშასადამე, ალუმინისა და ტიმეროსალის კომბინაცია, რომელიც არსებობს ვაქცინაში, წარმოქნმნის ტოქსიკურ ნაზავს, რომლის შედარებაც კი არ შეიძლება ვითარებასთან, როდესაც
    მომწამვლელი ზემოქმედება ხდება მხოლოდ ტიმეროსალით.
    – უჯრედული შხამი 6-ფენოქსიეტანოლი (ანტიფრიზი);

    – საპოხ-გასაყინი ემულსიები, საღებავები, დეტერეგენტები (TWEEN-80), ორგანული გამხსნელები;

    – ბორაქსი (ნივთიერება, რომლითაც წამლავენ ტარაკნებს);სულფიტური და ფოსფატური შემადგენლობის გლიცეროლი;

    – პოლისორბატ-80 და ოკოტოქსინოლ-10 იწვევს უშვილობას და ფაქტიურად ქალს სტერილურს ხდის.
    დაბოლოს, ვაქცინები ხშირ შეწმთხვევაში დაბინძურებულია უცხო მიკროორგანიზმებით. მათში ნაპოვნია:
    – მაიმუნის ვირუსი SV40 (simian virus), რომელიც ხელს უწყობს სიმსივნის განვითარებას, დღეს უკვე აღმოჩენილია ადამიანის ორგანიზმში და ამით მეცნიერებმა ახსნეს ზემოხსენებული ვირუსისმონაწილეობის მექანიზმი კიბოს განვითარებაში;

    – მაიმუნის ქაფიანი ვირუსი;

    – ციტომეგალოვირუსი(ცმვ);

    – ქათმის სიმსივნური ვირუსი, პესტივირუსი, წიწილების ვირუსები, მუტაცია განცდილი (და, შესაბამისად, უფრო სახიფათო), კურდღლების, ძაღლებისა და იხვების ვირუსები. ზოგიერთი ვაქცინისთვის ვირუსები გამოყავთ ქათმის ემბრიონებზე, რომლებიც შესაძლოა შეიცავდნენ ფრინველის ლეიკოზის ვირუსს. აღნიშნულ ვირუსს აქვს შესაძლებლობა „დაიმალოს“ პატრონის გენომში და ხელსაყრელ მომენტში განავითაროს
    სიმსივნური უჯრედები;

    – ნანობაქტერიები (შედარებით ახლახანს აღმოჩენილი და შესწავლის პროცესში მყოფი მიკროორგანიზმი, რომლის როლი გაფანტული სკლეროზის, ართრიტების, სიმსივნის ზოგიერთი სახეობისა და ალცჰეიმერის დაავადების განვითარებაში აქტიური განხილვის საგანია), მიკოპლაზმები და უმარტივესი ერთუჯრედიანი ცხოველები(!), კერძოდ, აკანტამება (Acanthamoeba), რომელიც ასევე იწოდება „ამება რომელიც ტვინს ჭამს“.

    ახლა ყურადღებით!

    ზემოთაღწერილი „ფეთქებადი ნაზავი“ შეჰყავთ პაციენტის ორგანიზმში (მათ შორის ახალშობილებში!) ყველაზე „ეფექტური“ გზით – უშუალოდ სისხლში, ყველა ბუნებრივი დამცავი ბარიერების გვერდის ავლით.
    ამასთან, დადგენილია, რომ ბაქტერიული და ვირუსული დნმ, რომელიც ორგანიზმში შეყავთ ვაქცინაციის გზით, შესაძლოა ინტეგრირდეს ადამიანის გენომში, რაც გამოიწვევს უჯრედულ მუტაციას, (ამის მიზეზი ხომ არ არის, რომ ასე გაიზარდა ონკოლოგიური დაავადებები ბავშვებში?).
    ერთი მხრივ, ვაქცინების საშუალებით ორგანიზმში შეჰყავთ პათოგენები, მეორე მხრივ კი, ტოქსიკური შემადგენლობის ხარჯზე ორგანიზმს არ აძლევენ თავდაცვის საშუალებას.
    ქიმიურ-ბიოლოგიური ნაგავი – აი რას წარმოადგენს ვაქცინური „პროდუქცია“, რომელსაც, შემოსავლების გაზრდის მიზნით, უზარმაზარი რაოდენობით აწარმოებენ
    ფარმაკოლოგიური კომპანიები. აქ ყველაფერი ნათელია – მათთვის ეს უბრალოდ „ბიზნესია“.
    თეორიულადაც კი არ არის შესაძლებელი სუფთა და უვნებელი ვაქცინის შექმნა. საუკეთესო ვაქცინა – არის ის, რომელიც არასდროს მოხვედრილა ორგანიზმში.
    ყველაზე ცუდია ის, რომ ჩვენი „მშობლიური“ პედიატრები, იმუნოლოგები, სანექიმები და ჩინოვნიკები ჯანდაცვიდან, რომელთა პირდაპირი მოვალეობაა ადამიანის სიცოცხლისა და ჯანმრთელობის სადარაჯოზე დგომა, ყოველწლიურად ფანატიკურად თავს ახვევენ საზოგადოებას მასობრივი განადგურების იარაღის დახვეწილ ნაირსახეობას. ამასთან, ისინი ფარისევლურად ამტკიცებენ, რომ ეს არის „იმუნოპრიფილაქტიკის საშუალება“, და მეტიც… -„წამლები“!

    პოსტვაქცინური გართულებების ჩამონათვალი:

    1. ანაფილაქსიური შოკი, ანაფილაქტოდური რეაქცია, კოლაფსი.

    2. მძიმე ალერგიული რეაქციები (ანგიონერვოზული შეშუპების რეციდივი – ე.წ. კვინკეს შეშუპება, სტივენს-ჯონსონის სინდრომი, ლაიელის სინდრომი, შრატის სინდრომი, გამონაყარი,
    დაა.შ.).

    3. შრატის სინდრომი.

    4. ენცეფალიტი.

    5. ვაქცინაასოცირებული პოლიომიელიტი.

    6. ცნს-ს დაზიანება გენერალიზებული და ადგილობრივი ნარჩენი სიმპტომებით, რომლის
    შედეგადაც შესაძლოა დაინვალიდება: ენცეფალოპატია, ენცეფალომიელიტი, მიელიტი, სეროზული მენინგიტი, გიიომ-ბარეს სინდრომი, ნევრიტი, პოლირადიკულონევრიტი, პოლინევრიტი, ასევე, კრუნჩხვითი სინდრომის კლინიკური გამოვლინება (აფებილური სინდრომი).

    7. მწვავე მიოკარდიტი, ნეფრიტი, აგრანულოციტოზი, თრომბოციტოპენიური პურპურა, კოლაგენოზი, ჰიპოპლასტური ანემია.

    8. გენერალიზებული ინფექცია, ცივი აბსცესი, ლიმფადენიტი, კელოიდური ნაწიბური, ოსტეიტი, ოსტიტი, ოსტეომიელიტი, გამოწვეული ბცჟ ვაქცინის შედეგად.

    9. ქრონიკული ართრიტი, რომელიც გამოწვეულია წითელას ვაქცინაციის შედეგად.

    10. ვაქცინის შეყვანის ადგილის აბსცესი.

    11. მოულოდნელი სიკვდილი!!!
    აქედან გამომდინარეობს, რომ:
    ა) ადამიანი შესაძლოა დაშავდეს აცრის შედეგად და შეიძინოს დაავადებები, რომლითაც ის არასრდოს ყოფილა დაავადებული;
    ბ) ვაქცინები არ არის უსაფრთხო.

    აცრების ეროვნული კალენდარის სია

    ვაქცინა: ტუბერკულოზი (ბცჟ) (BCG)

    გართულებები: ლიმფური და საყრდენ -მამოძრავებელი სისტემის დაზიანება. ცნს-ის გენერირიებული ან ადგილობრივი ნარჩენი სიმპტომების დაზიანება. ენცეფალოპატია, ენცეფალომიელიტი, მიელიტი, სეროზული მენინგიტი, გიენ-ბარეს სინდრომი,
    ნევრიტი, პოლირადიკულონევრიტი, პოლინევრიტი, ასევე, კრუნჩხვითი სინდრომის კლინიკური გამოვლინება (აფებრილური კრუნჩხვები). იდიოპათიური
    თრომბოციტოპენიური პურპურა, კელოიდური ნაწიბურები, ცივი აბსცესი, წყლულები, ლიმფადენიტი, კვანძოვანი ერითემა, სხვადასხვა გამონაყარი, ოსტიტი, ოსტეომიელიტი, პირველი ტიპის დიაბეტი.

    ვაქცინა: პოლიომიელიტი (ოპვ) (OPV)

    გართულებები: ენცეფალიტი, ასეპტიკური მენინგიტი, ფაღარათი, ალერგია, ტემპერატურის მომატება, მადის დაკარგვა, სისუსტე, კუნთის ტონუსის მომატება და ამით გამოწვეული დამბლა. იშვიათ შემთხვევაში ორალურმა ცოცხალმა ვაქცინამ შეიძლება გამოიწვიოს პოლიომიელიტით დაავადება.

    ვაქცინა: დიფტერია/ყივანახველა/ტეტანუსი (დყტ)(DPT)

    გართულებები: 1) დიფტერია -ცნს-ის დაზიანება. 2) ყივანახველა – ტვინის შეუქცევადი დაზიანება – ენცეფალიტი, მენინგოენცეფალიტი, ენცეფალოპათია, აუტიზმი, ქალა-ტვინის ნერვების მიელინიზაციის დარღვევა, კრუნჩხვები მაღალი სიცხის ფონზე, ეპილეფსია, ტვინის შეშუპება, ბავშვებში უეცარი სიკვდილის სინდრომი. 3) ტეტანუსი – ანაფილაქსიური შოკი, ნეიროპათია, ნევრიტი, ენცეფალიტები, სმენისა და მხედველობის ნევრიტები, ასევე გიენ-ბარეს სინდრომი.

    ვაქცინა: წითელა Measles (M)

    გართულებები: წითელა – ტვინის ანთება და აცრიდან 8-14 დღის განმავლობაში ლეტალური დასასრული… ქრონიკული ართრიტი, „ქრონიკული დაღლის სინდრომი“, მიელორადიკულონევრიტი, გიენ-ბარეს სინდრომი და გვირაბის სინდრომი, ნეიროპათია და მიელიტი.

    ვაქცინა: წითელა/წითურა/ყბაყურა (წწყ)(MMR)

    გართულებები: 1) წითელა – ტვინის ანთება და აცრიდან 8-14 დღის განმავლობაში ლეტალური დასასრული… ქრონიკული ართრიტი, „ქრონიკული დაღლის სინდრომი“, მიელორადიკულონევრიტი, გიენ-ბარეს სინდრომი და გვირაბის სინდრომი, ნეიროპათია და მიელიტი. 2) წითურა – სეროზული მენინგიტი, ენცეფალიტი და გიგანტურუჯრედოვანი
    პნევმონია, გაფანტული სკლეროზი, აუტიზმი, წითელასმიერი ენცეფალიტი, ვიტამინი А და ინტერფერონის ნაკლებობა. 3) ყბაყურა -ალერგიული რეაქციები, როგორიცაა გამონაყარი, ქავილი, სისხლჩაქცევები, ფებრილური კრუნჩხვები, ცალმხრივი სენსორული სიყრუე და ენცეფალიტი, აუტიზმი, ორხიტი, პანკრეატიტი, ასეპტიკური მენინგიტი.

    ვაქცინა: წითურა/ყბაყურა (წწ) (MR)

    გართულებები: 1) წითურა – სეროზული მენინგიტი, ენცეფალიტი და გიგანტურუჯრედოვანი პნევმონია, გაფანტული სკლეროზი, აუტიზმი, წითელასმიერი
    ენცეფალიტი, ვიტამინი А და ინტერფერონის ნაკლებობა. 2) ყბაყურა – ალერგიული რეაქციები, როგორიცა აგამონაყარი, ქავილი, და სისხლჩაქცევები, ფებრილური კრუნჩხვები, ცალმხრივი სენსორული სიყრუე და ენცეფალიტი, აუტიზმი, ორხიტი, პანკრეატიტი, ასეპტიკური მენინგიტი.

    ვაქცინა: ყბაყურა (Mumps)

    გართულებები: ყბაყურა – ალერგიული რეაქციები, როგორიცაა გამონაყარი, ქავილი, და სისხლჩაქცევები, ფებრილური კრუნჩხვები, ცალმხრივი სენსორული სიყრუე და ენცეფალიტი, აუტიზმი, ორხიტი, პანკრეატიტი, ასეპტიკური მენინგიტი.

    ვაქცინა: დიფტერია/ტეტანუსი (დტ) (DT)

    გართულებები: 1) დიფტერია – ცნს-ის დაზიანება. 2)ტეტანუსი – ანაფილაქსიური შოკი,
    ნეიროპათია, ნევრიტი, ენცეფალიტები, სმენისა და მხედველობის ნევრიტები, ასევე გიენ-ბარეს სინდრომი.

    ვაქცინა: ტეტანუსი/დიფტერია (ტდ) (TD)

    გართულებები: 1) ტეტანუსი – ანაფილაქსური შოკი, ნეიროპათია, ნევრიტი,
    ენცეფალიტები, სმენისა და მხედველობის ნევრიტები, ასევე გიენ-ბარეს სინდრომი. 2) დიფტერია – ცნს-ის დაზიანება.

    ვაქცინა: ვირუსული ჰეპატიტი (B – HB)

    გართულებები: ანაფილაქსია, თრომბოციტოპენია, ალოპეცია, კერატიტი, ჰერპესი, თრომბოციტოპენიური პურპურა, ტკივილები ყურის არეში, დამბლა და პარეზი, ნეიროპათია, განივი და ოპტიკური ნევრიტი, გიენ-ბარეს სინდრომი, შაქრიანი დიაბეტი, გაფანტული სკლეროზი, აუტიზმი, აუტოიმუნური დაავადებები.

    არაკალენდარული ვაქცინაცია

    ვაქცინა: ჰეპატიტი A

    გართულებები: ანაფილაქსიური შოკი, სინკოპე, სიყვითლე, ჰეპატიტი, მულტიფორმული ერითემა, ჰიპერჰიდროზი, გამონაყარი, კვინკეს შეშუპება, ქოშინი, კონვულსიები, ენცეფალოპათია, თავბრუსხვევა, ნეიროპათია, მიელიტი, პარესთეზია, გიენ-ბარეს სინდრომი, გაფანტული სკლეროზი. გარდა ამისა, შეშუპება და ტკივილი ინექციის ადგილას და თავის ტკივილი. შესაძლებელია გამოვლინდეს ჰემატომები და ქავილი, გამონაყარი, ფარინგიტი, ზედა სასუნთქი სისტემის ინფექცია, ტკივილები მუცლის ღრუში, ფაღარათი, გულის რევა, ტკივილი სასხრებში, კუნთებში, ძილიანობა ან უძილობა, არტერიული წნევის მომატება, ფოტოფობია და თავბრუსხვევა.

    ვაქცინა: პაპილომავირუს­ი

    გართულებები: იწვევს უშვილობას და ფაქტიურად ქალს სტერილურს ხდის. შეუძლია ქალებში დააჩქაროს კიბოსწინარე ცვლილებების განვითარება

    ვაქცინა: გრიპი

    გართულებები: გიენ-ბარეს სინდრომი, ენცეფალიტი, ნეკნთაშუა ნევრალგია, სმენის
    დაქვეითება, თვალის კუნთების დამბლა.

    ასოცირებული პროფესორი, ბიოლოგიის დოქტორი ედუარდ ფეროიანი

  • სანდრო says:

    მე 4 შვილი მყავს ყველაზე უფროსია 4.წ და 6 თს და არ ვცრი არც ერთს პირველი შვილი კინაგამ დამეგუპა ვაქცინით მის შემდეგ შევწყვიტე აცრები არც ერთზე არ ამიცრია დანარჩენი სიცხე ვირუსი გრიპი არ ვიცით რა არის ამ ხნის განმავლობაში 2 შემთხვევა იყო ისეც უჩვეულო ახლა დგეს ბაგში მომთხოვეს აცრა და მე არ ვცრი და არ მინდა აცრა …ასევე ეს მშობლის არჩევანია გვინდა ავცრით გვინდა არა გვესმის რომ თითოეული საფრთხის შემცველია მარა რა შემადგენლობას შეიცავს საერთოდ ვაქცინა იცით ვინმემ მაინც?

  • სანდრო says:

    ვლადიმერ თუ შეგიძლია გამომეხმაურო რამოდენიმე რჩევას გკითხავდი ვაქცინასთან დაკავშირებით მე ბევრი ოჯახს ვიცნობ ვინც აცრა და დაეგუპა შვილი და ვისაც აუტიზმით დაუინვალიდდა დამიტოვე რამე კონტაკტი გეტყობა განათლებული არ და რამდენიმე რჩევას გკითხავ თუ შეიძლება

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი