მთავარი » კულტურა

ტურისტული ინფრასტრუქტურის მოწყობა გურიაში

სტატიის ავტორი: | თარიღი: 04.02.2019 | 304 ნახვა
ოზურგეთისა და ჩოხატაურის მუნიციპალიტეტების კულტურული მემკვიდრეობის ძეგლებზე ტურისტული ინფრასტრუქტურის მოწყობისა და ინტეგრირების პროექტს კულტურული მემკვიდრეობის დაცვის ეროვნული სააგენტო მუნიციპალური განვითარების ფონდთან და ადგილობრივ თვითმართველობასთან თანამშრომლობით გეგმავს. გურიის რეგიონში სააგენტოსა და ფონდის ერთობლივი სამუშაო ჯგუფის ვიზიტისას უკვე განისაზღვრა საკულტო და საფორტიფიკაციო ნაგებობების წინასწარი ნუსხა, რომლებზეც მცირე სარეაბილიტაციო სამუშაოებთან ერთად ინფრასტრუქტურული კეთილმოწყობის პროცესიც წარიმართება.

ხელსაყრელი ადგილმდებარეობისა და ტურისტული პოტენციალის განსაზღვრის მხრივ ადგილობრივი თვითმმართველობის (რეგიონის გუბერნატორის, მუნიციპალური გამგეობები) წარმომადგენლობასთან ერთად, უწყებათა ხელმძღვანელების მიერ პირველ ეტაპზე 4 კულტურული მემკვიდრეობის ძეგლია შერჩეული. სათანადო საპროექტო დოკუმენტაციის საფუძველზე ფიზიკური სამუშაოები ლიხაურის ციხეზე, ასკანის ციხეზე, კონჩკათის მამათა მონასტერზე და ჯუმათის ეკლესიაზე მიმდინარე წელს დაიწყება. სამუშაოები მოიცავს არქიტექტურული ნაგებობების რეაბილიტაციას, (კონჩკათის მონასტერის გარდა, სადაც სააგენტოს დაფინანსებითა და ორგანიზებით დასრულდა ტაძრის სარეაბილიტაციო პროცესი), მათ სტრუქტურულ გამაგრებას, ტერიტორიებზე გადასახედი მოედნებისა და საფეხმავლო ბილიკების მოწყობას, საკომუნიკაციო გზების მოწესრიგებას, კულტურული მემკვიდრეობის ძეგლებზე განათების სისტემების მონტაჟს.

მოსამზადებელ და ძირითად ეტაპებზე პროექტში მონაწილე უწყებებს შორის წინასწარ უკვე განსაზღვრულია სამოქმედო პროგრამა. კულტურული მემკვიდრეობის დაცვის ეროვნული სააგენტო ოთხივე ობიექტზე განსახორციელებელი სამუშაოებისთვის პროექტებს მოამზადებს. ადგილობრივი თვითმმართველობები ძეგლების სარეაბილიტაციო-ინფრასტრუქტურული პროექტის მოსამზადებელ ეტაპს უზრუნველყოფენ, რაც ტერიტორიისა და არქიტექტურული ნაგებობების ხე-მცენარეებისაგან დადგენილი წესით გაწმენდას ითვალისწინებს. მუნიციპალური განვითარების ფონდი კი ფიზიკური სამუშაოების პროცესს დააფინანსებს. ოზურგეთისა და ჩოხატაურის მუნიციპალიტეტების კულტურული მემკვიდრეობის ძეგლების სარეაბილიტაციო-ინფრასტრუქტურული პროექტების განხორციელება რეგიონის ტურისტული პოტენციალის ათვისების ერთ-ერთი მნიშვნელოვანი კომპონენტი იქნება, რაც თავის მხრივ ადგილობრივი თემისთვის ეკონომიკური განვითარების მყარ საფუძველს შექმნის. სამომავლოდ კულტურული მემკვიდრეობის დაცვის ეროვნული სააგენტო რეაბილიტირებული ძეგლების ბაზაზე საგანმანათლებლო ცენტრების ამოქმედებას გეგმავს. გურიის რეგიონის 2 მუნიციპალიტეტის კულტურული მემკვიდრეობის 4 ძეგლზე სარეაბილიტაციო-ინფრასტრუქტურული პროექტი ზაფხულიდან დაიწყება. წინანსწარი პროგნოზით, ფიზიკური სამუშაოები არქიტექტურულ ნაგებობებსა და მიმდებარე ტერიტორიებზე 2020 წლის ბოლომდე უნდა დასრულდეს. 




სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი

"იყავი უმეცარი სიბრძნეში და ნუ მოაჩვენებ თავს ბრძნად, როდესაც უგუნური ხარ", - წმ. ისააკ ასური.