მთავარი » ქრისტიანობა

თომა მოციქული

სტატიის ავტორი: | თარიღი: 19.10.2022 6 კომენტარი | 19,999 ნახვა

მართლმადიდებლური სამყარო 19 ოქტომბერს თომა მოციქულის ხსენების დღეს აღნიშნავს. თომა ქრისტეს თორმეტ მოწაფეთაგან ერთ-ერთი გახლდათ და წარმოშობით გალილეას პენეადიდან იყო.თომა მოციქული მას ხშირად მარჩბივად მოიხსენიებენ, რაც ტყუპისცალს ნიშნავს. სულიწმიდის გარდამოსვლის შემდეგ თომა მოციქული ქადაგებდა პალესტინასა და მესოპოტამიაში.

წმიდა თომას ხშირად ურწმუნო თომას სახელითაც მოიხსენიებენ, რადგანაც არ სჯეროდა ქრისტეს მკვდრეთით აღდგომა და მოითხოვა თავად დარწმუნებულიყო. მან მხოლოდ მაშინ იწამა ქრისტეს აღდგომა, რაც საკუთარი ხელით განიხილა მაცხოვრის ჭრილობები. მსგავსი შემთხვევა მოხდა, როცა 48 წელს მიიძინა ღვთისმშობელმა მარიამმა. ამ დროს თომა მოციქული ინდოეთში ქადაგებდა სახარებას. ქრისტეს ყველა მოციქული სულიწმიდის ძალით ცაში იქნა აღტაცებული და გადაყვანილი გეთსამანიის ბაღში, სადაც განისვენებდა ღვთისმშობელი. მაგრამ თომა მხოლოდ ღვთისმშობლის დაკრძალვიდან სამი დღის შემდეგ აღმოჩნდა გეთსამანიაში, რის გამოც ძალიან სწუხდა. ამიტომ მოციქულებმა გადაწყვიტეს გაეხსნათ მისთვის ღვთისმშობლის საფლავი, რათა თაყვანი ეცა მისთვის. საფლავის გახსნისას აღმოჩნდა, რომ ის ცარიელი იყო და მხოლოდ ღვთისმშობლის მოსასხამი იყო დარჩენილი. ამით ყველანი მტკიცედ დარწმუნდნენ იმაში, რომ დედა ღვთისა, თავისი ღვთაებრივი ძის მსგავსად, მკვდრეთით აღდგა მესამე დღეს და სხეულით იქნა აყვანილი ზეცად.

თომა მოციქული ინდოეთში აღესრულა მოწამეობრივად. ცეცხლთაყვანისმცმლებმა იგი ხუთი შუბით განგმირეს. მეფისწული აზანი და ერთი სხვა ქრისტიანი, სახელად საფორი, ქალაქიდან გამოსულიყვნენ, მოციქულის კვალდაკვალ წამოსულიყვნენ და ახლა, როცა მხედრების ხელში სასიკვდილოდ განწირულს ხედავდნენ, ცხარედ დასტიროდნენ მას. მაშინ თომამ ნებართვა სთხოვა მხედრებს ლოცვის აღსრულებისა. როცა ილოცა, სიფორს მღვდლად დაასხა ხელი, აზანს კი დიაკვნად და უანდერძა, მორწმუნეთა გამრავლებისთვის და ქრისტეს ეკლესიის განვრცობისთვის ეზრუნათ. ამის შემდეგ მხედრებმა ხუთი შუბით განგმირეს წმიდა მოციქული თომა. სიფორი და აზანი დიდხანს დასტრიალებდნენ მოძღვარს და შემდეგ დიდი პატივით დაკრძალეს მისი წმიდა სხეული (მოციქულის მოწამეობრივი სიკვდილის ადგილს დღესაც უჩვენებენ კალურმინში, ექვსიოდ კილომეტრზე ქალაქ მალიპურიდან, სადაც წმიდა თომა ხშირად განმარტოვდებოდა ხოლმე ლოცვისათვის). დაკრძალვის შემდეგ ისინი დიდხანს ისხდნენ მოციქულის საფლავთან ღრმად დამწუხრებულები. წმიდა თომა გამოეცხადა მათ და უბრძანა ქალაქში დაბრუნებულიყვნენ და რწმენაში განემტკიცებინათ ძმები. ისინიც დაბრუნდნენ და, წმიდა თომას ლოცვა-კურთხევით გაძლიერებულნი, წარმატებით განაგებდნენ ქრისტეს ეკლესიას. თომა მოციქულის თავის ქალა ინახება საქართველოში, სიონის ტაძარში. მისი სხეულის ზოგიერთი ნაწილი ინდოეთში განისვენებს.

სალომე ლილუაშვილი


სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

6 კომენტარი »

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი