თბილისის ეროვნულ პარკში გამოჯანმრთელებული შველი გაუშვეს
ვანის რაიონის, სოფელ ძულუხში, ტყიდან გამოქცეული შველი ადგილობრივი მაცხოვრებლის საკარმიდამო ნაკვეთში აღმოჩნდა. აღნიშნულ ფაქტთან დაკავშირებით მოქალაქემ გარემოსა და ბუნებრივი რესურსების დაცვის სამინისტროს გარემოსდაცვითი ზედამხედველობის დეპარტამენტს აცნობა.
დეპარტამენტის თანამშრომლებმა შველს, რომელსაც მრავალი ნაირევი ჰქონდა, ყველა საჭირო დახმარება აღმოუჩინეს და დროებით, სრულ გამოჯანმრთელებამდე თბილისის ზოოლოგიურ პარკს მიაბარეს.
სპეციალისტების დასკვნით აღნიშნული ცხოველი ჯანმრთელია და მისი ველურ გარემოში დაბრუნება პრობლემას არ წარმოადგენს. გარემოსა და ბუნებრივი რესურსების დაცვის სამინისტროს გარემოსდაცვითი ზედამხედველობის დეპარტამენტის, დაცული ტერიტორიების სააგენტოსა და ზოოპარკის თანამშრომლებმა შველი ბუნებრივ გარემოში, თბილისის ეროვნულ პარკში გაუშვეს.
სტატიაზე ვრცელდება "ამბიონის" საავტორო უფლებები
კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.