სვეტიცხოველში ICCROM-ის საერთაშორისო ექსპერტები მუშაობენ
სვეტიცხოვლის ტაძრის სრულყოფილი დოკუმენტაციის შექმნისა და ძეგლის დაცვისა და გადარჩენის მიზნით, გეგმაზომიერი და ეტაპობრივი სარეაბილიტაციო სამუშაოების დაგეგმვისთვის UNESCO-ს მოთხოვნებით, ტაძრის ინტეგრირებული კონსერვაციის გეგმის შექმნა დაწყებულია, რაც სვეტიცხოვლის კომპლექსური და მულტიდისციპლინარული კვლევების ჩატარებას გულისხმობს.
კულტურული მემკვიდრეობის დაცვის ეროვნული სააგენტოს ინიციატივით, პროექტის განხორციელებისთვის საქართველოში მოწვეულები არიან ICCROM-ის საერთაშორისო ექსპერტები პროფესორები ჯორჯიო კროჩი და ინჟინერი კრისტიანო რუსო.
პირველი სამუშაო ვიზიტით (5.9 ნოემბერს) სვეტიცხოველში უკვე მუშაობს კრისტიანო რუსო და მისი სამუშაო ჯგუფი. ტაძრის სამშენებლო ქვების კვლევისთვის მიმდინარეობს სინჯების აღება და მიკროსეისმური და ბგერითი ტალღების კვლევა. პარალელურად ხორციელდება ქვის წყობის სტრუქტურის და ტაძრის ბზარების კონტროლის მონიტორინგი და პირველადი მონაცემების მიღება.
ICCROM-ის საერთაშორისო ექსპერტთა რიგით მეორე სამუშაო ვიზიტი დეკემბრის დასაწყისშია დაგეგმილი. მისიას პროფესორი ჯორჯიო კროჩი უხელმძღვანელებს.
სტატიაზე ვრცელდება "ამბიონის" საავტორო უფლებები
კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.