სუდანში, ელ-ჰააბის უდაბნოში მდებარე ელ-ლაგიას ტაძარში, შედარებით კარგად შემორჩენილი ქრისტე-ემანუელის ფრესკაა, რომელიც სავარაუდოდ, ღვთისმშობლის ფონზეა გამოსახული. ტაძრის ფრესკები IX-X საუკუნეებით, ნუბიური ფერწერის აყვავების პერიოდით თარიღდება.

ელ-ლაგიას მცირე ტაძარი ნილოსის მესამე ჭორომის სამხრეთ-დასავლეთით მდებარეობს. ფრესკების შესწავლა 2018 წლიდან მიმდინარეობს.

პირველად ტაძრის ზედა ნაწილი ხარტუმის (სუდანის დედაქალაქი) უნივერსიტეტის არქეოლოგებმა აღმოაჩინეს, მაგრამ იქიდან გამომდინარე, რომ არ ჰქონდათ კონსერვაციის სათანადო გამოცდილება, იძულებული იყვნენ, ამოევსოთ გათხრილი მონაკვეთები და დალოდებოდნენ ექსპერტებს.

მეცნიერების თქმით, „ზეცისა უვრცელესოს” ტიპის ხატი ადრე არ იყო ცნობილი ნუბიურ ხელოვნებაში და მისი არსებობა ძლიერ ბიზანტიურ გავლენას მოწმობს.

ყოვლადწმინდა ღვთისმშობელი ორი ანგელოზის გარემოცვაშია, სავარაუდოდ, ესენი არიან მთავარანგელოზები: მიქაელი და გაბრიელი. მათი თავები სრულად არ ჩანს.