სეფისკვერს ხანდახან „ლიტურგიასაც“ უწოდებენ იმიტომ, რომ მის გარეშე ლიტურგიის ჩატარება შეუძლებელია. შეწირვისათვის საჭირო რომ იყოს ოქრო და ალმასები, სად ვიშოვიდით? აი, რატომ გამონახა ღვთის უდიდესმა სიბრძნემ ეს უბრალო მეთოდი.

პური ნებისმიერ სახლში მოიძებნება. იგი, ტაძარში მოტანილი, იქცევა ქრისტეს ხორცად! ხედავ, რა დიდი პატივის ღირსი შეიძლება გახდეს შენი სახლი. წარმოიდგინე, რომ მეფე დათანხმებული შენი გამომხვარი პურით დაეპურებინა თავისი შვილები. აივსებოდი სიამაყით! როგორი სიფრთხილით გამოაცხობდი და მიიტანდი სასახლეში. აქ კი ყოველივე ამას ამზადებ თვით ღვთისათვის და იგი იღებს შენს ძღვენს! ნუთუ ეს არ არის საოცრება?

ჩვენმა წინაპრებმა იცოდნენ ეს. მოწიწებით არჩევდნენ საუკეთესო ხორბალს და საკუთარი ხელით ფქვავდნენ მას. ჰქონდათ სპეციალური საცერი და მოსაზელი სეფისკვერის მოსამზადებლად. ცოლი ცომის მოზელისას ლოცულობდა. ეს საქმიანობა დიდი მოკრძალებით სრულდებოდა. მაგრამ დახარჯული ენერგიის შესაბამისად ღმერთი თითოეულს აძლევს ჯილდოს. ასე, რომ ადამიანო, როდესაც შენი სეფისკვერი გადაიქცევა ქრისტეს ხორცად, მითხარი, ეს სიმბოლოა?

არქიმანდრიტი ხარლამპი ვასილოპულოსი