საყოველთაო ნათლობა სამების ტაძარში (13.07.2012)
13 ივლისს, სვეტიცხოვლობის დღესასწაულზე, წმიდა ათორმეტთა მოციქულთა ხსენების დღეს სამების ლავრის სულიწმიდის სახელობის სანათლავ ტაძარში ჩვილთა 23-ე საყოველთაო ნათლობა გაიმართა.
უწმიდესის ნათლული კიდევ 510 ჩვილი გახდა. მონათლულებს ტრადიციულად ჯვარი, ნათლობის მოწმობა, სახარება და სანთლები აჩუქეს.
სრულიად საქართველოს კათოლიკოს-პატრიარქმა, უწმიდესმა და უნეტარესმა ილია მეორემ სამების საკათედრო ტაძარში ნათლულები დალოცა. მშობლებს შვილების ნათლობა და დღესასწაული მიულოცა. “წყალობა და სიყვარული სუფევდეს თქვენსა ზედა”, – ბრძანა ილია მეორემ.
ჩვილთა პირველი საყოველთაო ნათლობა ყოვლადწმიდა სამების საპატრიარქო ტაძარში 2008 წლის 19 იანვარს შედგა. კათოლიკოს-პატრიარქის ამ ინიციატივის მიზანი ქვეყანაში დემოგრაფიული მდგომარეობის გაუმჯობესებაა.
ნინო ჩალაძე
სტატიაზე ვრცელდება "ამბიონის" საავტორო უფლებები
კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.