მთავარი » საზოგადოება

სახალხო დამცველის განცხადება (17.05.2013)

სტატიის ავტორი: | თარიღი: 17.05.2013 4 კომენტარი | 1,994 ნახვა

“ამბიონი” უცვლელად გთავაზობთ სახალხო დამცველის განცხადებას 17 მაისის მოვლენებთან დაკავშირებით:

“2013 წლის 17 მაისს არასამთავრობო ორგანიზაცია „იდენტობა“-ს და მათი მხარდამჭერების მიერ ჰომოფობიის წინააღმდეგ ბრძოლის საერთაშორისო დღისადმი მიძღვნილი აქცია იყო დაგეგმილი. პარალელურად გაიმართა საპროტესტო აქცია, რომელშიც სასულიერო პირებიც უჩა ნანუაშვილი მონაწილეობდნენ.

სამწუხარო პარადოქსია, რომ სწორედ ჰომოფობიის წინააღმდეგ ბრძოლის საერთაშორისო დღე გახდა საქართველოში ჰომოფობიის გამოვლინების დღე.

მიუხედავად იმისა, რომ საქართველოს შინაგან საქმეთა სამინისტრო რამდენიმე დღით ადრე ინფორმირებული იყო, რომ ერთი და იგივე ადგილზე უნდა გამართულიყო პარალელური აქცია, ასევე იმ მოსალოდნელი საფრთხეების შესახებ, რომელსაც შესაძლოა ადგილი ჰქონოდა ლგბტ და მათი მხარდამჭერი ორგანიზაციების წარმომადგენლებს არ მიეცათ საშუალება ესარგებლათ კონსტიტუციით მათთვის მინიჭებული შეკრების თავისუფლებით. მიუხედავად იმისა, რომ აქციის დაწყებისთანავე ადგილზე მობილიზებული იყო საპატრულო პოლიცია, გაკეთებული იყო კორდონი, პოლიციამ ვერ შეძლო მისი შენარჩუნება. ლგბტ უფლებადამცველები და მათი მხარდამჭერი აქციის მონაწილეები საქართველოს შინაგან საქმეთა სამინისტროს წარმომადგენლებმა უსაფრთხოების მიზნით მიკროავტობუსებითა და ავტობუსებით გაიყვანეს ადგილიდან. ამ ეტაპზე გავრცელებული ინფორმაციით დაშავებული 17 პირი, 12 გადაყვანილია საავადმყოფოში, მათ შორის საპატრულო პოლიციის 3 თანამშრომელი. დაშავებულთა შორის არის რადიო “ფორტუნას” ჟურნალისტი. აქციის მონაწილეებმა პარალელურად სცადეს არასამთავრობო ორგანიზაცია “იდენტობის” ოფისის დარბევაც.

საქართველოს სახალხო დამცველი მიიჩნევს, რომ საქართველოს შინაგან საქმეთა სამინისტრომ მიუხედავად მცდელობისა ვერ უზრუნველყო სათანადო ღონისძიებების გატარება, რაც უზრუნველყოფდა ლგბტ და მათი მხარდამჭერი არასამთავრობო ორგანიზაციების აქციის ჩატარებას. გავრცელებული კადრებიდან აშკარაა, რომ პარალელური აქციის მონაწილეები, მათ შორის სასულიერო პირები, იყვნენ იმთავითვე აგრესიულად განწყობილები, მისდევდნენ აქციის მონაწილეებს. მათი მიზანი არა მშვიდობიანი პროტესტი, არამედ აქციის მონაწილეთა ფიზიკური ანგარიშსწორება იყო, რიგ შემთხვევებში ადგილი ჰქონდა ექსტრემიზმისა და სიძულვილის გამოვლინებას. ისინი მიზანმიმართულად მისდევდნენ სამარშრუტო მიკროავტობუსებს, რომლითაც შინაგან საქმეთა სამინისტროს წარმომადგენლები აქციის მონაწილეების გაყვანას ცდილობდნენ. შესაბამისად აშკარაა, რომ პარალელური აქცია გავიდა სამართლებრივი ჩარჩოებიდან. უფრო მეტიც, პარალელური აქციის მონაწილეები აშკარა აგრესიით გამოირჩეოდნენ ინციდენტის ადგილზე საგანგებოდ მისული სახალხო დამცველის მიმართ და რომ არა სამართალდამცავების სათანადო ძალისხმევა მის უსაფრთხოებას შესაძლოა საფრთხე შექმნოდა. ამ ეტაპზე ვრცელდება ინფორმაცია, რომლის თანახმადაც აქციის წარმომადგენლები დაშლას არ აპირებენ.

საქართველოს კანონის, „შეკრებებისა და მანიფესტაციების შესახებ“ მე-13 მუხლის პირველი პუნქტის თანახმად, როდესაც ადგილი აქვს ძალადობის პროპაგანდას ან ხდება კანონის მოთხოვნათა მასიურად დარღვევა შეკრება და მანიფესტაცია უნდა შეწყდეს დაუყოვნებლივ. შესაბამისად საქართველოს შინაგან საქმეთა სამინისტრომ უნდა სასწრაფოდ გაატაროს შესაბამისი ღონისძიებები საზოგადოებრივი წესრიგის აღსადგენად და დააყენოს აქციის ორგანიზატორების და იმ პირთა პასუხისმგებლობა, რომელთა მხრიდანაც ხდებოდა ძალადობა, ძალადობისკენ მოწოდება და საზოგადოებრივი წესრიგის დარღვევა,” – ნათქვამია სახალხო დამცველის განცხადებაში.


სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

4 კომენტარი »

  • მთავარი პროკურატურა აჭარის პროკურატურასთან შეკრებილ მოქალაქეებს მიმართავს და აცხადებს, რომ აქციის მონაწილეებმა მიმართონ იმ 12 კაციან ჯგუფს, რომელიც საგანგებოდ, მთავარი პროკურორის ინიციატივით შეიქმნა იმ პროკურორების საქმეების გამოსაძიებლად, რომელთა მიმართ საქართველოს მოქალაქეებს კონკრეტული პრეტენზიები გააჩნიათ.

  • „მე ვარ დარწმუნებული, რომ წარმოდგენილი გუნდი იქნება ძალიან ეფექტური“ შსს–ის იმ პოლიტიკის გატარებისას, რომელიც დაეფუძნება „სამართლიანობას, კანონიერებას და ჰუმანურობას“, განაცხადა შინაგან საქმეთა მინისტრმა და დასძინა, რომ „ყველა პროფესიონალი და კეთილსინდისიერი“ თანამშრომელი შეინარჩუნებს ადგილებს სამინისტროში. მისი თქმით, მისი მეექვსე მოადგილის და იმავდროულად სასაზღვრო პოლიციის უფროსის ვინაობა მოგვიანებით გახდება ცნობილი. მან ასევე დაკონკრეტების გარეშე განაცხადა, რომ ამ მიმართულებით გარკვეული საკანონმდებლო ცვლილებები იგეგმება.

  • მიქაელი says:

    შენ რისი ,,სახალხო” დამცველი ხარ? ამდენი ხალხის უფლება ირღვევა და ვიღაცა პედარასტებს იცავ! გონს მოეგეთ, თორემ ცოტა ხანში ახალი არჩევნები იქნება!
    რესპუბლიკელების ლიბერალისტური შეხედულებების მსხვერპლი ნუ გახდებით!
    სწორედ ანტინაციონალური იდეებისა და ქმედებების გამო შეიძულა ხალხმა ნაცმოძრაობა და თქვენც მათ რიგებში ნუ ჩადგებით! საქართველო ტრადიციების ქვეყანაა და ვერასოდეს ვერ გახდება ფერადების საგულაო!

  • მარიამ-ხათუნა says:

    სახალხო დამცველს სახალხოდ რომ შეეკითხეს ნარკომანებმაც გამოვიდნენ და დაიცვან თავიანთი უფლებაო კადეგორიული უარი რატომ თქვა??? რა მარტო “ფერადების” დაცვა სურთ??? იმედია მომავალში არაფერი იგეგმება თორემ ხალხი უკვე ვინც ამათ აფინანსებს უკვე იმათ მოთხოვს პასუხს…
    რესპუბლიკურ-ნაციონალურ-ალასანიური მოძრაობა თავიანთი “ევროპული” შეხედულებებით და კანონებით უნდა დასრულდეს საქართველოში და დასრულდება კიდეც! უფალი მეფობს!

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი