საქართველოში “თბილისიმარათონი” იმართება
2012 წლის 28 ოქტომბერს თბილისის ზღვაზე ყველაზე მასშტაბური ღონისძიება – “თბილისიმარათონი” გაიმართება, რომელიც ჯანსაღი ცხოვრების წესის დამკვიდრებას ემსახურება საქართველოში და ამავდროულად, საქველმოქმედო ხასიათისაა. პროექტი ჰაიდელბერგცემენტის ეგიდით ხოციელდება და მისი მხარდამჭერი საქართველოს მძლეოსნობის ეროვნული ფედერაციაა.
მარათონში მონაწილეობის მიღება შეუძლია ყველა მსურველს – მოყვარულს თუ პროფესიონალს. “თბილისიმარათონი”-ს მონაწილეები იქნებიან სხვადასხვა კომპანიის და საელჩოს თანამშრომლები, ჰაიდელბერგცემენტი და თბილისის მოსახლეობა.
“თბილისიმარათონი” რეგულარულად ჩატარდება და ის ტრადიციულ ხასიათს მიიღებს! 2012 წლის ივლისში კომპანია ჰაიდელბერგცემენტსა და საქართველოს მძლეოსნობის ეროვნულ ფედერაციას შორის ურთიერთთანამშრომლობის მემორანდუმი გაფორმდა. მემორანდუმის მთავარ ამოცანას წარმოადგენს ჯანმრთელი ცხოვრების წესის პროპაგანდა საქართველოში, სპორტული ღონისძიებების, კერძოდ მარათონების, ნახევარმარათონების და გარბენების დამკვიდრება და საზოგადოების მასობრივი ჩართულობა ასეთ აქტივობებში.
“თბილისიმარათონი” წარმოადგენს ჰაიდელბერგცემენტის ჯანმრთელობისა და შრომის უსაფრთხოების (H&S) პროგრამის განუყოფელ ნაწილს, ამასთან, კომპანიის სოციალური პასუხისმგებლობის ძირითადი ასპექტია ქველმოქმედება, სწორედ ამიტომ, მარათონზე მონაწილეობის მისაღებად დაწესებულია მონაწილეობის საფასური – 10 ლარი. თანხა, რომელსაც რეგისტრაციის დროს გადაიხდით “თბილისიმარათონის” საქველმოქმედო ფონდში ჩაირიცხება! ქველმოქმედების მიზნით შერჩეული ბენეფიციარები ღონისძიებაზე გამოცხადდება!
სტატიაზე ვრცელდება "ამბიონის" საავტორო უფლებები
კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.