საპატრიარქო საგანგებო განცხადებას ავრცელებს (14.12.2014)
საქართველოს საპატრიარქო საგანგებო განცხადებას ავრცელებს, რომელსაც “ამბიონი” უცვლელად გთავაზობთ:
“კომპანია “RMG GOLD”- ის მიერ საყდრისის ოქროს მაღაროს მოულოდნელი აფეთქების ფაქტმა საერთო დიდი შეშფოთება გამოიწვია. 
როდესაც მეცნიერები, დარგის სპეციალისტების დიდი ნაწილი, სამოქალაქო საზოგადოება ეწინააღმდეგებოდნენ მის დანგრევას, როცა საერთაშორისო ექსპერტებმაც ეს სივრცე კულტურის ძეგლად აღიარეს (რომ აღარაფერი ვთქვათ მის მსოფლიო მნიშვნელობაზე), გაუგებარია, როგორ შეიძლებოდა მის დანგრევაზე ნებართვა გაეცა კულტურის სამინისტროს.
თუ საყდრისი არ უნდა ყოფილიყო დაცვის ობიექტი, მაშინ შესაბამის სტრუქტურებს უდნა ჩაეტარებინათ ახსნა-განმარტებითი საუბრები, რომ ხალხი დაერწმუნებინათ თავის სიმართლეში და შემდეგ განეხორციელებინათ ნებართვის გაცემაც და აფეთქებებიც.
არასწორად მიგვაჩნია საყდრისის ერთი ბორცვის (კვლევის სფერო 1 ჰა) აუთვისებლობის მიზეზით “RMG GOLD”-ში დასაქმებული მოქალაქეებისთვის ფინანსური პრობლემების შექმნაც, რაც, ფაქტიურად, ჩვენთვის ცნობილი მთავარი მიზეზი გახდა საყდრისის იავარქმნისა.
ამ ადგილის თაობაზე შეფასებები საბოლოოდ დამტკიცებული რომც არ ყოფილიყო, კომპანიას, რომელსაც აქვე აქვს სხვა დიდი ტერიტორიები ოქროს მოპოვებისათვის, საქვეყნო ინტერესებიდან გამომდინარე, როგორმე უნდა მოეხერხებინა ალტერნატიული გზების გამოძებნა, რათა ხალხი უხელფასოდ არ დარჩენილიყო და, სხვა თუ არაფერი, თავისი თავისთვისაც პრობლემები არ შეექმნა.
დღეს კი შედეგად გვაქვს სახელმწიფოებრივი აზროვნების წინააღმდეგ გაკეთებული ყოვლად გაუმართლებელი ქმედება.
საქართველოს ეკლესია გამოთქვამს დიდ წუხილსა და გულისტკივილს მომხდარის გამო”, – ნათქვამია საპატრიარქოს განცხადებაში.
სტატიაზე ვრცელდება "ამბიონის" საავტორო უფლებები
კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.
აღშფოთებული და გაოცებული ვარ საყდრისში მიმდინარე მოვლენებით. სად არის კეთილი ნება, დაცული იყოს ძეგლი?
ისე ვითარდება მოვლენები წერე და იკითხე…..ამას სასწრაფოდ უნდა გამოკვლევა ვისი თანხმობით მოხდა ეს აფეტქება და უნდა გამომზეურდეს ერთხელ და სამუდამოდ დამნაშავე და მართალი…….
yvelastvis win dgas fuli da ara Eris,Mamulis,Sarwmunoebis siwminde.Eg nadziralebi dawyebuli dartymuli Mishadan damtavrebuli Ivanashvilit[gvari ar shemshlia]unda miaxvrito kedeltan!!!
vandalebi da barbarosebi arian eg viRac RMG mesveurebic da iq dasaqmebulebic yvelas moeTxovos pasuxi da jarima gadaixadon saydrisis aRdgenis xarjebis aTmagi odenobiT.