საპატრიარქოს განცხადება “საყოველთაო ჯვირსწერების” შესახებ (14.11.2016)
საქართველოს საპატრიარქოს “საყოველთაო ჯვირსწერების” შესახებ განცხადებას ავრცელებს, რომელსაც “ამბიონი” უცვლელად გთავაზობთ:
“როგორც ცნობილია, საქართველოს საპატრიარქოსთან არსებული „ჩოხოსანთა საზოგადოების“ ორგანიზებით დაიწყო საყოველთაო ჯვრისწერები, რაც სრულიად საქართველოს კათოლიკოს-პატრიარქის ლოცვა-კურთხევით ხორციელდება.
ჯვარდაწერილ წყვილებს სამების საპატრიარქო ტაძარში დალოცავს მისი უწმინდესობა, მათ კი, რომელთაც თბილისში არ შეუძლიათ ჩამოსვლა, – ეპარქიის მმართველი მღვდელმთავარი.
შევნიშნავთ, რომ აღნიშნული ეხებათ მხოლოდ იმ წყვილებს, რომელთაც წლების წინ შექმნეს ოჯახი, მაგრამ სხვა და სხვა სუბიექტური თუ ობიექტური მიზეზის გამო დღემდე არ არიან ჯვარდაწერილნი.
ქორწინების საიდუმლოება ძალიან ღრმაა და უმნიშვნელოვანესი ადამიანის ცხოვრებაში. ჯვრისწერით წყვილი გამოხატავს მზაობას გაერთიანდნენ ქრისტეს წმინდა ეკლესიაში და ერთობით ისწრაფვონ სასუფევლისაკენ.
ოჯახი რომ იყოს მტკიცე და სიყვარული არ განელდეს, აუცილებელია, მეუღლეები შაბათ-კვირას და დღესასწაულის დღეებში წირვა-ლოცვაზე დაესწრნენ და აღსარებისა და ზიარების საიდუმლოებებში მიიღონ მონაწილეობა, რათა მოიხვეჭონ სულიწმინდის მადლი.
ღმერთის შეწევნა არ მოაკლდეთ ჩვენს ოჯახებს და სრულიად საქართველოს,” – ნათქვამია განცხადებაში.
წყარო: http://patriarchate.ge
სტატიაზე ვრცელდება "ამბიონის" საავტორო უფლებები
კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.
Sami tvis sheqmnil ojaxze vrceldeba tu ara
ანა, იხილეთ სტატია მითითებულ ბმულზე
http://www.ambioni.ge/sakoveltao-jvriscera
მაინტერესებს საყოველთაო ჯვრისწერა როგორც საყოველთაო ნათლობები ისე გამოცხადდება, თუ ნებისმიერ დროს არის შესაძლებელი?
სალომე, იხილეთ სტატია მითითებულ ბმულზე
http://www.ambioni.ge/sakoveltao-jvriscera