მთავარი » ახალი თაობის აღზრდა

“შანსი არ არის, ხანგრძლივი კარჩაკეტილობიდან ბავშვები არ გამოვიდნენ ქცევითი და ემოციური პრობლემებით”

სტატიის ავტორი: | თარიღი: 29.09.2021 | 340 ნახვა

ფსიქოკონსულტანტი, პროფესორი ნატა მეფარიშვილი (სტუმრად საზოგადოებრივი მაუწყებლის ეთერში, გადაცემაში “რეალური სივრცე”):

“შანსი არ არის, რომ ამ სიტუაციიდან (ხანგრძლივი კარჩაკეტილობა) ბავშვები არ გამოვიდნენ ქცევითი და ემოციური პრობლემებით. კვლევები ძალიან მწირი გვაქვს საქართველოში, მაგრამ ყველა პროფესიონალი, პედაგოგების ნაწილი და მშობლების ძალიან დიდი ნაწილი ამჩნევს, რომ პრობლემები უკვე სახეზეა.

-სახეზეა ქცევითი პრობლემები, რომელიც გამოიხატება დაუმორჩილებლობის, პროტესტის, აგრესიის სახით.

-სახეზეა ემოციური პრობლემები, რაც გამოიხატება იმაში, რომ ბავშვებს აქვთ აკვიატებული აზრები, ფიქრები. ამის გამო მომართვიანობა გაიზარდა პრაქტიკოს ფსიქოლოგებთან.

აქაც პრობლემა გვაქვს, რადგან არ გვაქვს ჩვენ ძლიერი ფსიქიკური ჯანდაცვის სფერო. ამ პანდემიას კი გადავაგორებთ ოდესმე, ალბათ, მაგრამ ფსიქიკური ჯანმრთელობის პრობლემის ტალღა რომ მოდის ამას მზად ვხვდებით?

რა ვქენით ჩვენ? ვიფიქრეთ, როგორ ბრუნდებიან 4-ში სკოლებში ეს ბავშვები? რა რესურსებით მოდიან. თითქმის ყველა ბავშვს დემოტივაცია აქვს. ეს ბავშვები რომ შევლენ ასე, ქცევითი პრობლემებით, დემოტივირებული, კლასში მოქცევის წესები რომ დავიწყებული აქვთ, განსაკუთრებით დაწყებით საფეხურზე. იმიტომ რომ სხვა რეალობაში იყვნენ ეკრანთან, აქეთ დედა, იქით მამა, იქით ძმა, ჩავრთავ, გამოვრთავ. ეს ხომ ის რეალობა არ არის, რაც საკლასო ოთახში დახვდება. და მერე იქნება ის პრობლემა, რომ „პრობლემა აქვს ამ ბავშვს“, „რაღაც ისე ვერ არის“ და ისევ ამ ბავშვს დაუბრუნდება ეს ცუდად. ჩავიკეტეთ, ჩაკეტილ წრეზე ვართ და აქედან გამოსავალზე დაფიქრება ახლა კი არა, დიდი ხნის წინ იყო საჭირო.”




სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი