მთავარი » დღესასწაულები

სადღესასწაულო ქადაგება (19.08.2011)

სტატიის ავტორი: | თარიღი: 19.08.2011 | 1,573 ნახვა

ფერისცვალების დღესასწაული

უწმიდესი და უნეტარესი, სრულიად საქართველოს კათოლიკოს-პატრიარქი ილია II

ფერისცვალებასახელითა მამისათა და ძისათა და წმიდისა სულისათა.

ჩვენთან არს ღმერთი!

გილოცავთ ამ დიდებულ დღესასწაულს, ფერისცვალებას უფლისა ჩვენისა იესო ქრისტესი.

ეს არის უდიდესი დღესასწაული ათორმეტთაგანი. აქ არის ბევრი რამ ისეთი, რასაც ჩვენ განსაკუთრებული ყურადღება უნდა მივაქციოთ. ადამიანი არის გვირგვინი ღვთის ქმნილებისა და მთელი მატერიალური სამყარო ტრიალებს მის გარშემო. ადამიანი არის ხელმძღვანელი ამ უდიდესი მატერიალური ძალისა და ბედნიერია ის, ვისაც გააჩნია დიდი რწმენა და სიყვარული. ამ შემთხვევაში ეს მატერიალური ძალა არ არის საშიში ადამიანისთვის. და თუ ეს მატერიალური ძალა, რომელიც მისცა უფალმა, აღმოჩნდება ურწმუნო ადამიანის კანში, ეს არის საშინელი მოვლენა და კატასტროფით დამთავრდება.

ტროპარში ჩვენ ვკითხულობთ: “მთასა ზედა ფერი იცვალე ქრისტე ღმერთო და უჩვენე მოწაფეთა შენთა დიდება შენი ძალისაებრ მათისა”. მაცხოვარმა ჩვენმა იესო ქრისტემ წაიყვანა სამი მოწაფე: პეტრე, იაკობი და იოანე მთასა ზედა თაბორსა და მოწაფეთა იხილეს უფალი გაბრწყინებული. მისი სამოსელი იყო ელვარე და მასთან ერთად გამოეცხადა მათ მოსე და ილია და საუბრობდნენ მაცხოვართან. და აი, სწორედ ტროპარში სწერია: “უჩვენე დიდება ძალისაებრ მათისა”. ესე იგი მოწაფეებს მხოლოდ ამის დანახვა შეეძლოთ, უფრო მეტი რომ ეჩვენებინა უფალს, ისინი ვეღარ იცოცხლებდნენ, ამიტომ ვამბობთ ტროპარში, რომ ეს იყო ძალიან მცირე იმ დიდებისა, რომელიც გააჩნდა უფალსა ჩვენსა იესო ქრისტეს, როგორც ძესა ღვთისასა.

სახარებაში წერია, რომ ღრუბელი ჩამოვიდა ციდან, შეშინდნენ მოციქულები და ღრუბლიდან მოესმათ ხმა: ესე არს ძე ჩემი საყვარელი, მისი ისმინეთ. პეტრე მოციქული, როგორც უფროსი, როგორც ყველაზე თავდადებული უფლისათვის, ეუბნება უფალს: ვქმენთ ჩვენ სამ ტალავარ, ერთი შენ, ერთი მოსესა და ერთი ილიას. ესე იგი სამი კარავი გავმართოთო: ერთი შენ, ერთი მოსესა და ერთი ილიას. სახარებაში წერია, რომ არ იცოდა რა უნდა ეთქვა და ისე თქვაო. სინამდვილეში იცოდა, იმიტომ, რომ სადაც იქნებოდა კარავი უფლისა, მოსესი და ილიასი, იქ მოციქულებსაც ექნებოდა ადგილი. პეტრე მოციქული ამით ამბობს, რომ მას უნდოდა გაგრძელებულიყო ეს ხილვა.

ჩვენ დღეს შევთხოვთ უფალს, რომ მოგვცეს მადლი, ძალა… ის ძალა და ძლიერი ხედვა, რომლითაც ჩვენ დავინახავთ უფალს, დავინახავთ სიწმიდესა და ეკლესიას. ეკლესია არის კარიბჭე სასუფევლისა.

ღმერთმა დაგლოცოთ და გაგახაროთ!

ღმერთმა გაამთლიანოს საქართველო! მე იმედი მაქვს, რომ ეს მალე მოხდება ღვთის ძალით და შეწევნით.

სალომე ლილუაშვილი


სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი

"იყავი უმეცარი სიბრძნეში და ნუ მოაჩვენებ თავს ბრძნად, როდესაც უგუნური ხარ", - წმ. ისააკ ასური.