მთავარი » ქრისტიანობა

სადღესასწაულო ქადაგება (08.02.2013)

სტატიის ავტორი: | თარიღი: 08.02.2013 | 1,507 ნახვა

დავითობა

ილია მეორე8 თებერვალს სადღესასწაულო წირვის დასრულების შემდეგ სრულიად საქართველოს კათოლიკოს-პატრიარქმა, უწმიდესმა და უნეტარესმა ილია მეორემ მრევლს დღევანდელი დღე მიულოცა, მეფე დავით აღმაშენებლის ღვაწლზე, მის სულიერებაზე, წიგნიერებაზე ისაუბრა და აღნიშნა, რომ დავით აღმაშენებელი იყო პიროვნება, რომელმაც მოიწვია რუის-ურბნისის კრება და მოხდა ერისა და ეკლესიის სულიერი განწმენდა.

პატრიარქმა ბრძანა, რომ წმიდა მეფემ დააარსა გელათის აკადემია და ყოველი უმაღლესი სასწავლებელი მისი მსგავსი უნდა ყოფილიყო.

უწმიდესმა ასევე ისაუბრა თბილისის სახელმწიფო უნივერსიტეტზე და აღნიშნა, რომ შემთხვევითი არ არის, რომ საქართველოში პირველი უნივერსიტეტი წმიდა დავით მეფის ხსენების დღეს დაარსდა. მან დღევანდელი დღე მიულოცა თბილისის სახელმწიფო უნივერსიტეტის რექტორს, სტუდენტებს, პროფესორ-მასწავლებლებს და იქ მომუშავე ყველა ადამიანს.

“მე ბევრი მიფიქრია იმის შესახებ, რა ნაკლი მაქვს. მე არ მაქვს დამთავრებული თბილისის სახელმწიფო უნივერსიტეტი, სამწუხაროდ. ამდენად დიდია ჩემთვის ამ უნივერსიტეტის მნიშვნელობა. დღესაც კი დავიწყებდი სწავლას ამ უნივერსიტეტში, რომ შეიძლებოდეს. აქ მოღვაწეობდნენ დიდი პროფესორ-მასწავლებლები, ივანე ჯავახიშვილი, რომელმაც დიდი ტანჯვა გაიარა”, – ბრძანა უწმიდესმა.

პატრიარქმა ბრძანა, რომ 8 თებერვალს ასევე დაარსდა პატრიარქის ფონდი, რომელიც ეხმარება გაჭირვებულებს. ამ ფონდის სახსრებით ბეჭდავენ წიგნებს და ბევრი კარგი რამ კეთდება. მან მოუწოდა მრევლს, მიაქციონ ამ ფონდს ყურადღება, რადგან მისთვის გაღებული თანხა ხალხის დახმარება იქნება.

უწმიდესის თქმით, ასევე, დღეს სასულიერო აკადემიაში, თეოლოგიაში სადისერტაციო საბჭო დაარსდა, რომელიც მაძიებლებს დოქტორის ხარისხს მიანიჭებს.

ქადაგების დასრულების შემდეგ ტაძარში ჯვრებით, ხატებით ლიტანიობა დაიწყო. ლიტანიას წინ თავად უწმინდესი მიუძღვებოდა.

სადღესასწაულო მსახურებას პოლიტიკოსებიც ესწრებოდნენ.

იხილეთ ქადაგება სრულად:


სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი