მთავარი » ქრისტიანობა

“რომელსა ასხენ ყურნი სმენად, ისმინენ!”

სტატიის ავტორი: | თარიღი: 08.11.2021 | 144 ნახვა

მღვდელი ნიკოლოზ სხულუხია: “ღმერთი, როგორც უზენაესი მშობელი, რომელსაც ყველა შვილი თანაბრად უყვარს, მრავალი სახით აჩვენებს მათ ჭეშმარიტებისა და ცხონების გზას. სულიერი აღზრდის ერთ-ერთი ამგვარი გზა იგავური სახის თხრობაა. ეს სწავლების ის ჟანრია, რომელშიც ჩვენ, მრევლი, არათუ პასიური მსმენელნი ვართ ჭეშმარიტი მოძღვრებისა, არამედ შეძლებისდაგვარად გონისეულად – მისი შემეცნების თანაშემოქმედნი.

ლუკას სახარების მერვე თავში მოთხრობილ მთესვარის შესახებ იგავში მაცხოვარი მოგვიწოდებს, ვიყოთ სულიერად ძლიერნი, რათა ვერც განსაცდელმა და სულიერმა უმწიფრობამ, ვერც გამოუცდელობამ თუ ცხოვრებისეულმა საზრუნავებმა ვერ განგვაშორონ მარადიული ცხოვრების რწმენას.

ეს სწორედ ის მდგომარეობაა, რომელიც, როგორც უფალი ბრძანებს, მხოლოდ და მხოლოდ გულის სიწრფელითა და სიმშვიდით მოიპოვება და შედეგია იმ ჭეშმარიტების გზით სვლისა, რომელსაც მხოლოდ რწმენით, სულიერი თვალით მხედველნი ხედავენ და მიჰყვებიან, ხოლო მცირედმორწმუნენი ვერც ამჩნევენ მას.

ამიტომ მოგვიწოდებს უფალი, მივიღოთ ღვთის სიტყვა, როგორც ჭეშმარიტების მარცვალი და გავამრავლოთ იგი ჩვენში, რათა ამ გზით მოვიპოვოთ მარადიული ცხოვრება.”

წყარო: საპატრიარქოს უწყებანი




სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი