22 თებერვალი – ნაწილთა აღმოყვანება ღირსისა გაბრიელ სალოსისა და აღმსარებელისა (2014)

წმინდა მამა გაბრიელის შესახებ ერთ-ერთი უკრაინული მართლმადიდებლური ვებ-გვერდი შემდეგ ინფორმაციას აქვეყნებს:

კიევში, წმინდა მიქაელის სახელობის ტაძარში საქართველოდან ჩამობრძანებულია წმინდა ბერი გაბრიელის მირონმდინარე ხატი და მისი ქუდი. მომლოცველები ადასტურებენ განკურნების შემთხვევებს სიწმინდეებთან შეხების შემდეგ. მაგალითად ერთ-ერთი ქალბატონი დედის გამოჯანმრთელების შესახებ ასეთ ამბავს ჰყვება:

“დედაჩემი არ არის ეკლესიური და წმინდა ბერი გაბრიელის შესახებ ჩემგან იცოდა. ერთხელაც, დილის 5 საათზე ხმაურმა გამაღვიძა, გამოვიქეცი ოთახიდან, დედა უგონოდ იწვა. ცოტა ხანში გონს მოვიდა, მაგრამ მუცლის ძლიერი ტკივილი ჰქონდა და ფეხზე დგომა არ შეეძლო. წმინდა მამა გაბრიელის ხატიდან აღებული მირონი ვაცხე და დედამ მაშინვე მითხრა, რომ ტკივილებმა გაუარა”.

საქართველოში არქიმანდრიტი გაბრიელი ყველაზე საყვარელი წმინდანია. მას ჭვრეტისა და განკურნების ღვთიური ნიჭი ჰქონდა.

საქართველოს მართლმადიდებელმა ეკლესიამ 2012 წლის 20 დეკემბერს გაბრიელ სამთვაროელი წმინდანად შერაცხა ღირსი მამის წოდებით. 2014 წლის 25 დეკემბრიდან რუსეთის მართლმადიდებელი ეკლესიის კალენდარშიც მოიხსენიება. ხსენების დღე – 2 ნოემბერი.

წყარო: http://uoj.org.ua/