პატრიარქმა მეტეხის ხიდზე საზეიმო პარაკლისი აღავლინა
მეტეხის ხიდზე უამრავი ადამიანია შეკრებილი.
სრულიად საქართველოს კათოლიკოს-პატრიარქი, უწმიდესი და უნეტარესი ილია მეორე მეტეხის ხიდზე მიბრძანდა. მან მლოცველებთან ერთად ღვთისმშობლისადმი სავედრებელი ლოცვა: “მოწყალებისა კარი განგვიღე კურთხეულო ღვთისმშობელო…” წარმოთქვა.
პატრიარქმა ასი ათასი ქართველის წამების ადგილზე სასულიერო პირებთან ერთად საზეიმო პარაკლისი გადაიხადა.
ხიდზე დააბრძანებულია წმიდა 100 000 მოწამე ქართველის ხატი.
მეტეხის ხიდიდან მრევლი სამების საკათედრო ტაძრისკენ მიემართება, სადაც აფხაზეთის ომის დროს დაღუპულთა სულის მოსახსენიებელი პანაშვიდი შესრულდება.
შეგახსენებთ, დღეს სრულიად საქართველოს კათოლიკოს-პატრიარქის, უწმიდესისა და უნეტარესის ილია II-ის ლოცვა-კურთხევით, ჯვართამაღლების დღესასწაულთან დაკავშირებით და შექმნილი რთული სიტუაციის გამო, თბილისის კურთხევა გაიმართა.
თბილისის ქუჩებში ლოცვითი მსვლელობა დღეს საკვირაო წირვის შემდეგ ოთხი ადგილიდან ერთდროულად დაიწყო: ვაკიდან, ვაჟა-ფშაველადან, კინოთეატრ “საქართველოდან” და ისნიდან.
მსვლელობაში მონაწილე მრევლს წინ სამღვდელო პირები მიუძღვოდნენ. ისინი გზას აკურთხებდნენ.
სტატიაზე ვრცელდება "ამბიონის" საავტორო უფლებები
კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.
მიყვარხართ!!! ღმერთმა გააძლიეროს და დაიფაროს საქართველო!!! გული მწყდება, რომ ამ დღეს თქვენს გვერდით არ ვიყავი.