პატრიარქის ქადაგება-შენდობის ლოცვა (22.02.2015)
ყოვლადწმიდა სამების საკათედრო ტაძარში სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ შენდობის წესი შეასრულა და მრევლს შენდობა სთხოვა.
როგორც უწმიდესმა აღნიშნა, ეს დღე დაწესდა ეგვიპტეში, როდესაც ერები უდაბნოში მიდიოდნენ დიდმარხვაში და ერთმანეთისგან შენდობას ითხოვდნენ. შემდეგ კი მთელი დიდი მარხვის განმავლობაში აღდგომის საგალობლებს გალობდნენ, რადგან არ იცოდნენ შეხვდებოდნენ თუ არა აღდგომას და დაბრუნდებოდნენ თუ არა მონასტერში.
“დღეს არის დღე, როცა პატიება უნდა ვითხოვოთ ყველასგან, ვისთანაც უბრად ვართ. დღეს ჩვენ ღვთის წინაშე ვდგავართ და ჩვენ ცოდვებს ვაღიარებთ. რომ შევკრიბოთ მთელი ქვეყნის ცოდვები, ეს ყველაფერი ჩემშია. დღეს თქვენ და სრულიად საქართველოს გთხოვთ, შემინდოთ ცოდვები”, – ბრძანა პატრიარქმა. მან მუხლი მოიყარა ამბიონზე მრევლის წინაშე და შენდობა ითხოვა.
უწმინდესმა წაიკითხა სინანულის ლოცვა და კიდევ ერთხელ შესთხოვა ღმერთს, შეუნდოს საქართველოს და სრულიად ქართველ ერს ჩადენილი ცოდვები.
სტატიაზე ვრცელდება "ამბიონის" საავტორო უფლებები
კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.