პატრიარქის მილოცვა ბიძინა ივანიშვილს
მის აღმატებულებას, საქართველოს პრემიერ-მინისტრს,
ბატონ ბიძინა ივანიშვილს
თქვენო აღმატებულებავ,
საქართველოს ეკლესიისა და პირადად ჩემი სახელით გულითადად გილოცავთ პრემიერ-მინისტრად არჩევას. მართალია, ამ საპასუხისმგებლო თანამდებობაზე მოღვაწეობა რთულ დროს მოგიწიათ, მაგრამ ღვთის წყალობით პრობლემები დაიძლევა. თორმეტი წლის წინ, როდესაც თქვენ წმინდა სამების საკათედრო ტაძრის მშენებლობა დაიწყეთ, საუკუნის სიმბოლო აიგო; და ახლაც როდესაც ქვეყნის უღელი დაიდგით, საუკუნის გამოწვევა მიიღეთ. ეს არის თქვენი არჩევანი, პირადი კეთილდღეობის უგულვებელყოფით გაკეთებული არჩევანი. ღმერთმა დაგლოცოთ თქვენ და თქვენი ოჯახი. უფალმა შეგაძლებინოთ ერის ჯვრის მშვიდობით ტვირთვა და ქვეყანაში ისეთი გარემოს შექმნა, სადაც მთავარი ფასეულობები იქნება ღმერთი, სამშობლო, ადამიანი; სადაც სამართლიანობის კეთილგონიერების, შორსმჭვრეტელობისა და შემწყნარებლობის პირობებში აშენდება ერთიანი, მშვიდობიანი, ძლიერი საქართველოს სახელმწიფო.
ღრმა პატივისცემით
ილია II
სრულიად საქართველოს კათოლიკოს-პატრიარქი
№ 87 26.10.2012
სტატიაზე ვრცელდება "ამბიონის" საავტორო უფლებები
კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.
shen gaixare ucmindeso
ღმერთო ისმინე პატრიარქის და ქართველი ერის ვედრება,შენ შეგვეწიე და დაგვიფარე, ბატონო ბიძინა გისურვებთ წარმატებებს.