პატრიარქის კურთხევით “ხელოვნების აკადემია” დაარსდა
სრულიად საქართველოს კათოლიკოს პატრიარქის ილია II-ის ლოცვა-კურთხევით “ხელოვნების აკადემია” დაარსდა, რომლის მიზანი ხელოვნების სხვადასხვა დარგში ნიჭიერი მოზარდების გამოვლენაა.
“გვსურს, საქართველოს ყველა კუთხიდან მოვაგროვოთ ყველაზე ნიჭიერი ბავშვები, ხელი შევუწყოთ მათ განვითარებას, სტიპენდიის მოპოვების შემთხვევაში კი მათ უფასოდ სწავლის შესაძლებლობა ექნებათ” – განაცხადა აკადემიის დაარსების იდეის ავტორმა ვალერიან შიუკაშვილმა.
“ხელოვნების აკადემია” პრიორიტეტულ მიმართულებად ხელოვნების ხუთ დარგს ირჩევს: კლასიკური მუსიკა, ლიტერატურა, კლასიკური ბალეტი, საესტრადო სიმღერა და ხალხური ფოლკლორი. ყოველ მიმართულებას სათავეში უდგანან მაღალპროფესიონალი ხელოვანები: ვალერიან შიუკაშვილი, გურამ დოჩანაშვილი, ნინო ანანიაშვილი, ნანი ბრეგვაძე და ეთერ თათარაიძე.
პროექტის მხარდამჭერები, საზოგადოების ცნობილ სახეებთან ერთად, კომპანია “აქსისი” და თბილისის მერია არიან. “ხელოვნების აკადემიაში” ბავშვების მიღება ნოემბრის ბოლოდან დაიწყება.
თეონა ნოზაძე
სტატიაზე ვრცელდება "ამბიონის" საავტორო უფლებები
კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.
ქართველ ერს დიდად განსწავლული და ღრმა სულიერების მქონე პატრიაქი გვყავს,რომელის მოამლისკენ იყურება,და ყოველთვის მის სახელს უკასშირდება ქარული კულტურისადმი დიდი ყურადგება და გულმხურვალე სიყვარული
ხელოვნება ოცნება და სილამაზეა, თითქოს ქვად ქცეული, მაგრამ ყველაფრის მთქმელი. უკვდავია როგორც ბუნება და მარადიული.
მზაღო(იგივე)ნინო მიხელიძე