მთავარი » ქრისტიანობა

“პატარაობიდან ასწავლეთ თქვენს ბავშვებს სხვა ადამიანის – თანაგრძნობა”

სტატიის ავტორი: | თარიღი: 02.07.2020 ერთი კომენტარი | 199 ნახვა

მშობლებო, აღმზრდელებო, მორწმუნეებო და ურწმუნოებო,

თუ გინდათ სახარებისეული მცნების სახით ასწავლეთ და თუ გინდათ ზნეობრივ კანონად გააფორმეთ, სულერთია, მაგრამ, აუცილებლად ასწავლეთ და წარუშლელად ჩაუნერგეთ ბავშვებს სხვა ადამიანის თანაგრძნობის უნარი. თანაგრძნობის უნარი ყველას არ გააჩნია ბუნებრივად, მას სწავლა და აღზრდა სჭირდება. ქრისტეს მცნებაა: “როგორც თქვენ გინდათ, რომ მოგექცნენ კაცნი, თავადაც ისევე მოექეცით მათ” (ლუკა 6,31) და სწორედ ესაა თანაგრძნობის აუცილებელი კანონი; რასაც შენ გრძნობ საკუთარ თავზე, რაც შენ გტკივა თუ გსიამოვნებს, რაც შენ გამწუხრებს თუ გახარებს, სწორედ ის და ისევე უნდა იგრძნო სხვა ადამიანთან მიმართებაში.

ტანჯვის, ცემის და სიკვდილის სიმწარეს ხომ უფრთხი და ერიდები საკუთარი თავისთვის? რატომ ვერა გრძნობ მაშინ ამას სხვებთან მიმართებაში? იმიტომ, რომ თანაგრძნობის უნარი არ აღზარდა შენში მშობელმა, მასწავლებელმა და გარემომ. პატარა ბავშვისთვის დედის ან აღმზრდელის მრავალჯერ და მტკიცედ ნათქვამი: “შენ ხომ გტკივა, ასევე სტკივა მასაც” ან “შენ ხომ გშია, ასევე შია მასაც” ან “შენ ხომ გაგიხარდება, ასევე გაეხარდება მასაც” და ა.შ. არის აუწონავი საუნჯე, რაც შეიძლება მიეცეს ბავშვის სულსა და გონებას. შეუბრალებელნი, უგულო და ხშირად მკვლელებიც სწორედ ამ თანაგრძნობის უნარგანუვითარებელი ადამიანები ხდებიან.

პატარაობიდან ასწავლეთ თქვენს ბავშვებს სხვა ადამიანის –
თ ა ნ ა გ რ ძ ნ ო ბ ა.

დეკანოზი თამაზ ლომიძე




სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

1 კომენტარი »

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი