მთავარი » საზოგადოება
სტატიაზე ვრცელდება "ამბიონის" საავტორო უფლებები
“პაპანწყვირი” – ტბა სამეგრელოში
“პაპანწყვირი” მდებარეობს სამეგრელოში, ხობის რაიონის სოფელ ხეთის ტერიტორიაზე. ტბის სახელწოდება უკავშირდება ლეგენდას, რომლის თანახმად, მრევლი მღვდელს ეხმარებოდა მოსავლის აღებაში, იგი მათ გამასპინძლებია ძაღლის ხორცით. მის ცოლს ჭამის წინ ფანდურზე დაუმღერია მეგრულად: ,,ხორცი თეში ვაჭკომათი, დუდ დო ბორკი ვაძირათ”, ე.ი ხორცი ისე არ ჭამოთ, რომ თავ-ფეხი არ ნახოთო. მუშების წასვლის შემდეგ სახლი ამ ცოდვის გამო მღვდლიანად ჩაძირულა და იმ ადგილზე გაჩენილა ტბა.
ქართულად “პაპანწყვირი” ნიშნავს ჩაძირულ მღვდელს.
ტბა საკმაოდ ღრმა და ცივია. მნახველი ულამაზეს და საინტერესო ადგილას აღმოჩნდება, თუმცა ტბა დღევანდელი მდგომარეობით, მოუვლელია და საჭიროებს მოვლა-პატრონობას, რომ მისით უამრავი ტურისტი დაინტერესდეს და სერიოზულ საკურორტო ზონად იქცეს.
სტატიაზე ვრცელდება "ამბიონის" საავტორო უფლებები
კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.