მთავარი » ქრისტიანობა

პანაშვიდი და მიცვალებულთა მოხსენიების დღეები

სტატიის ავტორი: | თარიღი: 28.10.2020 | 149 ნახვა

მიცვალებულთა სულის მოსახსენიებლად, მართლმადიდებელი ეკლესიის მიერ დადგენილია ერთ-ერთი სახეობა ღვთისმსახურებისა, რომელსაც პანაშვიდი ეწოდება. თავად სიტყვა „პანაშვიდი“ მომდინარეობს ბერძნული სიტყვიდან pannykhis და ნიშნავს „ღამისთევას“, „ღამისთევის მსახურებას“. ადრეულ პერიოდში, როდესაც ქრისტიანები იდევნებოდნენ წარმართების მიერ, ისინი ღამღამობით ფარულად იკრიბებოდნენ ხოლმე მიცვალებულთა დასასვენებლად (დასაკრძალავად) და მათ სახელზე ლოცვა-ვედრებებსაც აღავლენდნენ. სწორედ ამის გამო ეწოდა ამ მსახურებას „პანაშვიდი“, ანუ „ღამისთევის მსახურება“.

ახლადშესვენებულს ეკლესიაში პანაშვიდი აუცილებლად უნდა გადავუხადოთ შემდეგ დღეებში:

პირველ დღეს, როცა გარდაიცვლება;

მე-3 დღეს, როდესაც პირველად წარდგება უფალთან; მე-9 დღეს, როდესაც მეორედ წარდგება უფალთან;

მე-40 დღეს, როცა ის პირად სამსჯავროზეა.

და ამის შემდეგ მიცვალებულის გარდაცვალების დღეს, წლისთავზე, დაბადებისა და ანგელოზის დღეებში.

გარდა ამისა, ეკლესიაში წლის განსაკუთრებულ დღეებში დანიშნულია საზოგადო პანაშვიდები, რომელსაც ჭირისუფალი უნდა დაესწროს:

• ხორციელის მსოფლიო (საყოველთაო) შაბათი (აღინიშნება დიდ-მარხვის დაწყებამდე ერთი კვირით ადრე). ამ დღეს ეკლესია ლოცულობს ყველა მართლმადიდებელისათვის, მათ შორის უეცარი სიკვდილით (წყალდიდობით, მიწისძვრით, უბედური შემთხვევით, ომით) გარდაცვლილთათვის;
• დიდ-მარხვის მე-2, მე-3 და მე-4 შაბათები;
• კვირაცხოვლობის (თომას კვირის) სამშაბათი – აღდგომიდან მეორე კვირის სამშაბათი;
• სულთმოფენობის წინა შაბათი.

წყარო: წიგნი “ეკლესიის საუნჯე”
შემდგენელი: დავით შონვაძე




სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი