ნაძვის ხე და ჩიჩილაკი
ქეთევან სიხარულიძე (ივ. ჯავახიშვილის სახელობის უნივერსიტეტის ასოცირებული პროფესორი): “საახალწლო მორთულობებში წამყვანი ადგილი ნაძვის ხემ დაიკავა. საიდან მოვიდა ეს ტრადიცია? გერმანული მოდგმის ხალხებში უძველესი დროიდან არსებობდა რწმენა, რომ მარადმწვანე მცენარეები სასიკეთო გავლენას ახდენენ მოსავლიანობაზე. ამიტომ ტოტები, ან მთელი ხეც მოჰქონდათ სახლში. ეკლესია ებრძოდა ამ წარმართულ ჩვეულებას, მაგრამ მერე დააკანონა და შობას დაუკავშირა. უჭკნობ სიმწვანეს აღიქვამდნენ, როგორც მარადიულ სიცოცხლეს. ნაძვის სამკუთხა კონტური წმინდა სამებას გამოხატავდა. ნაძვს რთავდნენ ვაშლებით, რითაც ის სამოთხის ხეს განასახიერებდა. ასევე, მასზე კიდებდნენ ვაფლის ნაჭერს, რომელიც ზიარების პურის სიმბოლო იყო. ნაძვის წვერს კი რთავდნენ “ბეთლემის ვარსკვლავით”.
რუსეთში ნაძვის მორთვა დაიწყეს XIX საუკუნეების შუა ხანებიდან. თავდაპირველად ამას აკეთებდნენ გერმანულ ოჯახებში, რომლებიც მრავლად იყო როგორც პეტერბურგში, ისე – მოსკოვში. შემდეგ ეს ახალი ჩვეულება გავრცელდა რუსებს შორისაც. სავარაუდოა, რომ საქართველოში ნაძვის ხის მორთვა საახალწლოდ რუსეთიდან შემოვიდა.
საქართველოში ახალ წელს ახლდა მისი აუცილებელი ატრიბუტი – ჩიჩილაკი, რომელსაც “ბასილას წვერებსაც” ეძახდნენ. იგი წმინდა ბასილის სახელს უკავშირდება და, რასაკვირველია, ქრისტიანობის ხანაში უნდა დამკვიდრებულიყო. თუმცა მორთული ხის სიმბოლიკაც ძალიან ძველია და ნაყოფიერებას უკავშირდება. ფიქრობენ, რომ ჩიჩილაკი თავისი ბურბუშელებით მზის სხივებსაც განასახიერებდა. მის თავზე ჯვრის გამოსახულებას აკეთებდნენ და ჩირით, ხილით, სუროს ფოთლებით რთავდნენ. მას მნიშვნელოვანი ადგილი ეკავა საახალწლო ხონჩაზე. ნათლისღების წინა დღეს კი ბასილას წვერებს წვავდნენ და მის ფერფლს ატანდნენ გასული წლის უსიამოვნებებს. ზეპირგადმოცემით, თითქოს პირველი ჩიჩილაკი ღვთისმშობლის მეუღლემ, მართალმა იოსებმა (იგი ხომ ხურო იყო) გაუკეთა პატარა იესოს გასართობად. დღეს ქართულ ოჯახებში ისევ მკვიდრდება ჩიჩილაკი და ადგილს ნაძვის ხის გვერდით იკავებს.”
თეონა ნოზაძე
სტატიაზე ვრცელდება "ამბიონის" საავტორო უფლებები
კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.
ჩემთვის და საზოგადოებისთვის ცნობილია, რომ ჩიჩილაკი ქართულია და მისი წარმომავლობა “გურია”-დან იღებს სათავეს
სად ნახეთ ეგ გადმოცემა ?
მართალია ნაძვის ხე XIX საუკუნეში შემოვიდა ჩვენს ქვეყანაში, მაგრამ ის ნამდვილად არ არის საეკლესიო ტრადიციცა (საქართველოში), ეს ჩვენ ვაქციეთ ვითომდა ტრადიციად, თორემ ამ მმარხვაში რა გვეახალწლება ან რა გვენაძვისხეება ?!?
რაც შეეეხება ჩიჩილაკს, ეგ ცოტა მკრეხელობაშიც კი გადაგივიდათ…
ყველა ვინც ნაძვის ხესთან აღნიშნავს ახალ წელს უნდა მოინანიოს უფლის წინაშე.
magaria tcven rom ar dagewerat orians mivigebdi sagol
Is rom ar gveaxaliweleba es dzalian individualuria!!! Me axali weli Mixaria da 31 shi gamit agvnishnav…
KARTWELEBI AMBOBEN:WIZCHOWROT ROGORZ TSCHWENI ZINAPREBI,ara ,zinapari waqot dawedziot koweltwis achali aq; wizchowrot azmkoschi=ara-me; upalo schen tu ginda, schegidzlia gamoichsna scheni mona scheni chuti tschrilobis pasad zodwebisgan ,romeliz scheszoda gonebit,twalit ,enit sakmit, kurta-smenit, gulit,chelit,pechit,dgisit tu gamit -kowel zuts, raodeniza szoda. Amin