ნარკომანია – ცოლ-ქმარს შორის ამოსული ეკალი
ოჯახის შექმნა საპასუხიმგებლო ნაბიჯია ადამიანის ცხოვრებაში. შეუღლებას წინ უძღვის ჯვრისწერის საიდუმლო, ნიშნად ღვთის კურთხევისა და სულიერი ჯვარისმტვირთველობისა.
ფსიქოლოგი თამარ რამიშვილი: ჯვრისწერა ერთ-ერთი საიდუმლოა და ძალიან მნიშვნელოვანი. ხშირად ადამიანები ამას ძალიან იოლად უყურებენ. ქორწინდებიან, შემდეგ თვლიან რომ ვერ შედგა ოჯახი და ჯვრის აყრაზე იოლად ფიქრობენ.
ადამიანები ვერ აცნობიერებენ ღვთის წინაშე დადებული ფიცის მნიშვნელობას, პასუხისმგებლობას, ვალდებულებას. ხშირად ეს ხდება ოჯახის დანგრევის მიზეზი.
დეკანოზი რევაზი (ტუღუში): ოჯახის დანგრევა ურწმუნოების შედეგია. ყოველ მართლმადიდებელ ქრისტიანს უნდა ახსოვდესს, რომ ეშმაკის ყველაზე დიდი გამარჯვება ოჯახის დანგრევაა. იოანე ღვთისმეტყველი ამბობს: ღმერთი სიყვარულია, აქედან გამომდინარე, ადამიანი, როგორც ხატი და მსგავსი ღვთისა, ყოველთვის სიყვარულით აღსავსე უნდა იყოს.
დღევანდელ დღეს ოჯახთა უმრავლესობა მრავალი პრობლემის წინაშე დგას. უსიამოვნების მიზეზი შეიძლება იყოს, სხვადასხვა პათოლოგიები (ნარკომანია, ლოთობა და ა.შ), სოციალური გარემო, ადრეულ ასაკში დაქორწინება, რომელიც ხშირად გაუცნობიერებელი გადაწყვეტილებაა. ამ მიზეზებს შორის კი ყველაზე აქტუალური ნარკომანიის სენია.
ნინო კობიაშვილი: ჩემი მეუღლე ნარკომანია, მასთან 14 წელი ვიცხოვრე, მაგრამ ვეღარ შევინარჩუნე ოჯახი, მიუხედავად იმისა, რომ ჯვარდაწერილი ვარ, მასთან ცხოვრება გაუსაძლისი იყო, არ მაკლდა ფიზიკური და მორალური შეურაცხყოფა. ჯვარი არ ამიყრია, მაინც ვცდილობ ღვთისკენ შემოვაბრუნო. რადგან ჩემი შვილის მამაა და მისი დაღუპვა არ მინდა.
ფსიქოლოგი ნაირა ძიძიგური: ნარკომანობა ის მიზეზია, რომელიც ხშირად ოჯახის დანგრევას იწვევს. ასეთი ადამიანი წამალზეა დამოკიდებული და მისი პიროვნება დაშლილია, მას არ შეეუძლია სწორი გადაწყვეტილების მიღება, საღად აზროვნება და ოჯახური პასუხიმგებლობის თავის თავზე აღება, რადგან მისი ცხოვრების მიზანი მხოლოდ საკუთარი ინსტინქტების (ნარკოტიკის მოთხოვნილება) დაკმაყოფილებაა.
ლიკა ალადაშვილი
თეა სულაბერიძე
სტატიაზე ვრცელდება "ამბიონის" საავტორო უფლებები
კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.
ჩემი საყვარელი ადამიანიც ამ სენითაა დაავადებული სამწუხაროდ, მაგრამ მის მიტოვებაზე არ ვფიქრობ. თუმცა უკვე ბევრჯერ ძალიან მატკინა გული, მწამს რომ ღმერთის წყალობით ორივე ერთად დავაღწევთ თავს ამ საშინელებას. ჯერ შეყვარებულები ვართ მაგრამ მზად ვარ ჯვარი დავიწერო მასზე და მერე ერთად ვზიდოთ ეს მძიმე უღელი. უფალი დამეხმარება ვიცი. “შეუძლებელი კაცთათვის შესაძლებელია ღმერთისთვის”-ო.
თამარ ღმერთმა სეგაძლებინოს, ვიცი რომ შეძლებ… მეც ანალოგიურ სიტუაციაში ვარ… თავი ყოველთვის უსუსური გოგონა მეგონა, მაგრამ ეხლა ძალიან დიდი ზალას ვგრძნობ, ვიბრძოლებ და მარტო არ დავტოვებ. უფალი აუცილებლად დაგვეხმარება
ღმერთმა დაგლოცოს და გაგძლიეროს თამარ. აღფრთოვანებული ვარ შენი შემართები და მიმაჩნია, რომ ესაა ჭეშმარიტი სიყვარული ადამიანი ისეთი გიყვარს როგორიცაა და მე დარწმუნებული ვარ ეს სყვარული ყველანაირ დაბრკოლებას გადაგალახვინებთ. უფალი შეგეწევა. ღმერთმა შეგიწიროს შენი სიკეთე
gmertma yvelas gadaataninos es gansacdeli da yvelas moashorebinos es mzime seni
tamar gmertma shegazlebinos,da vpiqrob scored eg aris yvelaze didi madli sneuls rom daayeneb pexze,aba janmrtels isedac sheuzlia ebrzolos amqveyniur gancsacdelebs
უფალს ებარებოდეთ…შეგაძლებინოს….ჩემი მეუღლე პატიმარია….ჩემი ტკივილია ეს,,,ჯვარდაწერილები ვართ და უფალს მის შემობრუნებას ვთხოვ….
მთავარია ადამიანმა თვითონ მოინდომოს ამისგან თავის დაღწევა. თვითონ თუ არ მოინდომა არ არსებობს ამ ქვეყანაზე არაფერი რომ აიძულო ადამიანი თავი დაანებოს ამ სენს. ეკლესიას და რწმენას დიდი ძალა აქვს. მეც ამ სენით ვიყავი დაავადებული და დიდება უფალს შევეშვი ამ ყველაფერს .
Gamarjoba koba ,minda gkitxot ramdeni xania daanebe tavi am sens da ra shegrdznebaa an tu gichndeba survili isev isev miigo?chem axlobelic momxmarebeli iyo da ambobs damtavrdao da arvici rogor davujero an togor mivxvde ro martla sheeshva
ყველა ნარკომანს ავტომატურად უნდა ჩამოერთვას მშობლის უფლება, ასევე ყველა ლოთსა და გაუკუღმართებული წესით მცხოვრებს. ასეა ყველა ცივილიზებულ ქვეყანაში.
ხელის კვრა ადვილია,გადარჩენაზე ვიფიქროთ.გამწმენდები მიეცით.იბრძოლეთ ღმერთი ეგეწევათ.