მთავარი » ჯანმრთელობა

მუნი – კლინიკური სურათი, მკურნალობა და პრევენცია

სტატიის ავტორი: | თარიღი: 17.06.2016 3 კომენტარი | 32,450 ნახვა

მუნი (ბღერი (scabies)) – ადამიანის კონტაგიოზური პარაზიტული დაავადება, რომელიც ხასიათდება ძლიერი ინტენსიური ქავილით; დაავადების გამომწვევია ბღერის ტკიპა Sarcoptes scabiei var. hominis.

დასნებოვნება ხდება დაავადებულ ადამიანთან პირდაპირი კონტაქტით, მუნი თეთრეულით, ტანსაცმლით და პირადი მოხმარების საგნებით. დაავადების ყველაზე ხშირი წყაროა ოჯახის წევრები, მეზობლები და კონტაქტში მყოფი სხვა პირები; ასევე გადაეცემა სქესობრივი კავშირით. ინკუბაციური პერიოდი დაახლოებით 1–2 კვირა გრძელდება . კლინიკური გამოვლინებები განპირობებულია განაყოფიერებული მდედრობითი ტკიპის ჩანერგვით ეპიდერმისის რქოვან შრეში, სადაც იგი განათავსებს კვერცხებს. დაახლოებით 2 კვირაში, გაივლის რა განვითარების რამდენიმე სტადიას, კვერცხებიდან წარმოიქმნება პარაზიტის მწიფე ფორმები, რომლებიც ვრცელდებიან კანის ახალ უბნებში.

კლინიკური სურათი

მუნის ძირითადი სიმპტომია ღამის ქავილი, განპირობებული ტკიპების აქტიურობით ამ პერიოდში. გარდა განაკაწრებისა, აღინიშნება წვრილი პაპულოვეზიკულები, წვრილი ხაზოვნად დალაგებული ბუშტუკები და კვანძები. დაავადებისათვის პათოგნომურია “მუნის გასავლები” – მცირე ზომის სწორი ან დაკლაკნილი ხაზები, ბოლოში ბუშტუკით, სადაც იმყოფება მდედრობითი ტკიპა. ხვრელები ერთმანეთისგან 0,5-1 სანტიმეტრით არიან დაშორებულები. გამონაყარის დამახასიათებელი ლოკალიზაციაა კანის თხელი ნაზი უბნები: თითებშუა არეები, სხივ–მაჯის მომხრელი არე, მუცელი, სასქესო ასო, ბარძაყების შიდა ზედაპირი, სარძევე ჯირკვლები. მუნის დროს არ ზიანდება სახის კანი და თავის თმიანი ნაწილი. მუნი ხშირად რთულდება პიოდერმიით (ფურუნკულები, ექტიმები, იმპეტიგო).

დიაგნოზი ეყრდნობა ეპიდემიოლოგიურ ანამნეზს, ტიპიურ სიმპტომატიკასა და ლაბორატორიულ გამოკვლევებს.

მკურნალობა

დაავადება განკურნებადია, მაგრამ მკურნალობის პროცესი საჭიროებს დიდ ძალისხმევას. მკურნალობის შერჩევა ხდება ექიმი-დერმატოლოგის მიერ. მუნის სამკურნალოდ გამოიყენება გოგირდის მალამო, პერმეტრინი, სპრეგალი, სპეციალური სქემების მიხედვით. მკურნალობის შემდეგ აუცილებელია ავადმყოფის ორჯერადი გასინჯვა 1 კვირიანი შუალედით. პროფილაქტიკის მიზნით, სამედიცინო შემოწმებას ექვემდებარება ოჯახის ყველა წევრი და ავადმყოფთან კონტაქტში მყოფი ყველა პირი, განსაკუთრებით საბავშვო დაწესებულებებში.

განკურნება მიიღწევა 3 პირობის დაცვით:

ექიმის მიერ დანიშნული მკურნალობის სქემის ზუსტი შესრულება;
ავადმყოფთან კონტაქტში მყოფი ყველა პირის პროფილაქტიკური დამუშავება;
ჰიგიენური პირობების დაცვა. პირადი მოხმარების საგნებისა და საცხოვრებელი ადგილის დეზინფექცია.

პრევენცია

მუნის პრევენციის საუკეთესო საშუალებას წარმოადგენს ჰიგიენური პირობების დაცვა და სხვა პიროვნების პირადი მოხმარების ნივთების გამოყენებისგან თავის შეკავება. მუნის აქტიური გამოვლენის მიზნით ასევე მნიშვნელოვანია რუტინული ინსპექციების ჩატარება მოსახლეობაში; დაავადების აღმოჩენის შემთხვევაში, აუცილებელია მუნის კერების აღმოფხვრა, ინფექციის წყაროს სრული მკურნალობა, საკონტაქტო პირზე დაკვირვება და სადეზინფექციო ზომების განხორციელება.

წყარო: http://www.ncdc.ge


სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

3 კომენტარი »

  • ნინო says:

    პერმეტრინი და სპრეგალი აფთიაქებში იყიდება?

  • ცხოვრებაში მსგავსი სატანჯველი თუ არსებობს არვიცი…დაავადება რომელსაც თითქმის ექიმების 95%ვერ ხვდება და ალერგიას აბრალებს….ლამის თავი მომაკვლევინა მთელი 6თვე…სანამ გავიგებდი რა ჯანდაბა იყო ოჯახსაც გადავდე….7დღიანი გოგირდის მალამო ვიხმარეთ რომელმაც გამოაშრო და სულ კანი…და ეს რაღაცეები გამოუსედეგარიაო ექიმები ამბობენ….მაინტერესებს თუ იხმარა ვინმემ და რა შედეგი ჰქონდა….თავი შემძულდა ხალხს ვეღარ ვეკარები შიშით სულ ეგ მგონია რომ გადამედება ისევ…და ისევ გამართლდა ეს შიში…ისევ მაქვს ესამოსაწყვეტი….:@:@:@:@

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი

"იყავი უმეცარი სიბრძნეში და ნუ მოაჩვენებ თავს ბრძნად, როდესაც უგუნური ხარ", - წმ. ისააკ ასური.