მსოფლიო საპატრიარქო კათედრა არის წმიდა დიდმოწამე გიორგის სახელობის. ტაძარი მდებარეობს ფანარაში – სტამბოლის ერთ–ერთ ულამაზეს უბანში.

ეკლესიათა დიპტიქში პირველ ადგილზე კონსტანტინოპოლის ეკლესიაა. იგი დაარსებულია მოციქულების – ანდრია პირველწოდებულის, პავლესა და იოანე ღმრთისმეტყველის მიერ. კონსტანტინოპოლის ეკლესია იყო ბიზანტიის იმპერიის – მაშინდელი მსოფლიოს უძლიერესი მართლმადიდებლური სახელმწიფოს ეკლესია. სწორედ ამან განაპირობა მისი პირველი ადგილი ეკლესიათა შორის. კონსტანტინოპოლის ეკლესიას მეთაურობდნენ ისეთი დიდი მღვდელმთავრები, როგორებიც იყვნენ: გრიგოლი ღმრთისმეტყველი, იოანე ოქროპირი და მრავალი სხვა. მოგვიანებით კონსტანტინოპოლის ეკლესია იღებს მსოფლიო საპატრიარქოს სახელს . მსოფლიო საპატრიარქოს ცენტრი არის სტამბოლში. მისი იურისდიქცია კი ვრცელდება მსოფლიოს მრავალ ქვეყანაში.