მგალობლიანთკარის ეკლესია
მცხეთა-მთიანეთის რეგიონში,ქალაქ მცხეთაში მდებარე ე.წ. „მგალობლიანთკარის“ეკლესიას საქართველოს კულტურული მემკვიდრეობის დაცვის ეროვნული სააგენტოს დირექტორის ნიკოლოზ ანთიძის შესაბამისი ბრძანებით კულტურული მემკვიდრეობის უძრავი ძეგლის სტატუსი მიენიჭა.
ეკლესია დგას მცხეთის გარეუბან კოდმანში, მდ. მტკვრის მარცხენა ნაპირზე.
ეკლესია დარბაზულია (6,37×4,63 მ), ნაგებია ნატეხი და რიყის ქვით, გადახურულია კრამიტით. გამოყენებულია აგურიც (კარ-სარკმელთა თაღები და ლავგარდანი). შესასვლელი სამხრეთიდანაა. ღრმა, ნახევარწრიულ აბსიდში ექვსი ნიშია. დარბაზი გეგმით კვადრატულია. დასავლეთისა და აღმოსავლეთის კედლებში თითო სარკმელია.დასავლეთის კედელი საბჯენი თაღითაა შემოსაზღვრული. თაღი ცილინდრული კამარის ქუსლის დონეზე იკვეთება. ეკლესიის ლავგარდანი აგურისაა (ორ ჰორიზონტალურ რიგად დალაგებულ აგურებს შორის ჩასმულია სამკუთხად ნაშვერი აგურები).
მგალობლიანთკარის ეკლესიას ადგილობრივები წმ. გიორგის სახელობის ეკლესიად მოიხსენიებენ
სტატიაზე ვრცელდება "ამბიონის" საავტორო უფლებები
კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.